1 Alelúia, pemomba’eguasu Ñanderuetépe yvagakuéra guive, pemomba’eguasu ichupe amo yvateteha guive.
2Pemomba’eguasu ichupe, peẽ mayma hi’angelkuéra, pemomba’eguasu ichupe peẽ yvága rembiguái atykuéra.
3Pemomba’eguasu ichupe, kuarahy ha jasy; pemomba’eguasu ichupe, mayma mbyjakuéra omimbíva guive.
4Pemomba’eguasu ichupe, ára ha yeta hi’ári oĩva.
5Pemomba’eguasu Ñanderuete réra, Ha’e he’íva guive katuete oikóta avei.
6Omoĩmba hendaitépe opaite árape g̃uarã, ha ome’ẽ ichupe hembiapoukapy oiko hag̃ua he’i hagueichaite.
7Pemomba’eguasu Ñanderuetépe yvy guive, peẽ mymbaguasuete yguasu ha tugua pypukúpe peikóva.
8Pe aratiri ha pe amandáu, pe amarayvi rypy’a ha pe tatatĩna, pe yvytu jepokáva ojapopa voi Ha’e oipotáva guive,
9umi cérro ha mayma cerroru’ã, umi yvyra hi’áva ha mayma cédro,
10umi mymba ka’aguy rupigua ha opaichagua ambue tymbakuéra; mymbakuéra otyryrýva ha ovevéva guive tomomba’eguasu Ñanderuetépe,
11umi tetã ruvicha yvy pegua ha opaite mburuvicha ha mbojovakehára,
12umi karia’y ha kuñataĩ, umi itujáva ha ig̃uaig̃uiva imitãkuéra ndive,
13pemomba’eguasu Ñanderuete réra, héra añoiténte ituichaite. Heko porãitéva oĩma yvy ári ha yvágape.
14Ha’e omopu’ã Israel pu’aka, oñemombe’u porã hag̃ua heko potĩva ha Israel ñemoñarenguéra apytépe, Israel ningo pe tetã oñemoag̃uimivéva Ñanderuete rendápe. Alelúia, pemomba’eguasu Ñanderuetépe.
Who We AreWhat We EelieveWhat We Do
2025 by iamachristian.org,Inc All rights reserved.
