1Isboset, Saul ra’y, oikuaávo ojejuka hague Abner Hebrónpe, ipo ikangy ichugui, ha Israelguakuéra okyhyjepa avei.
2Ha Saul ra’y oguereko mokõi kuimba’e, mondaha atykuéra ruvicha, peteĩ héra Baana, ha ambue Recab, Rimon Beerotgua ra’y, Benjamin ñemoñarenguéra reheguáva; Beerot ojepapa avei Benjamin tríbupe.
3Ko’ã Beerotgua okañyva’ekue hikuái Gitaímpe, ha oiko upépe mbohupa ramo ko ára peve.
4Ha Jonatan, Saul ra’y, ita’ýra peteĩ ipy karẽva. Ha’e oguereko ramo 5 áño og̃uahẽ ñe’ẽ rerahahára omombe’úvo Saul ha Jonatan omano hague, herekua ohupi ichupe ha okañy pya’eitereígui ha’e ho’a ichugui ha pe mitã opyta ikarẽ, hérakuri Mefibóset.
5Ko’ã Rimon, Beerotgua ra’ykuéra, Recab ha Baana, oho pe ára hakuve jave ha oike Isboset rógape, ha’e oke aja asajekuépe ikotýpe.
6Ha pe kuña oñangarekóva Isboset róga okẽ rehe omopotĩ jave trígo, opyta oke avei; ha péicha rupi Recab ha Baana ityke’ýra oike hikuái ñemiháme hogapýpe.
7Ha oikévo hikuái hogapýpe, Isboset oke jave hupápe, ikotýpe, ojuka ichupe hikuái, oakã’o ha ogueraha iñakãngue, ha okañy hikuái pyhare pukukue pe Araba rape rehe.
8Ha ogueru hikuái Isboset akãngue Davídpe, Hebrónpe, ha he’i hikuái tetã ruvichápe: Péina ápe Isboset akãngue, Saul nderehe ija’e’ỹva ra’yre, ha’e ndejukaseteva’ekue; Ñanderuete katu oñangareko ore retã ruvicha rehe, ha omyengovia Saul rembiapo vai hekove ha iñemoñare rekovépe.
9Ha David oñe’ẽ jevy Recab ha ityke’ýra Baanápe, Rimon Beerotgua ra’ykuérape, he’ívo: Ñanderuete rekovére, Ha’e voi oguenohẽva che ánga opaite jepy’apýgui.
10Ourõguare peteĩ ñe’ẽ rerahahára ha he’i chéve: Péina Saul omanóma, oimo’ãgui ogueruha chéve mba’eporã chembovy’átava, che katu ajapyhy ha ajukauka ichupe Siclágpe, ha’e oha’ãrõ ramojepe pe ñe’ẽ rerahahára rembiapo repy.
11Ko’yteve ajapóta ko’ág̃a penderehe, peẽ tekove vai, pejukava’ekue peteĩ kuimba’e potĩme hógape, oke jave hupápe. Péva rehe piko che ndajeruremo’ãi huguykue pende pógui, ha ndapoipe’amo’ãi yvy árigui.
12Upémaramo David he’i hembiguaikuérape ojuka hag̃ua ichupekuéra ha omano rire oikytĩ ichuguikuéra mokõive ipo ha ipy, ha omosãingo Hebron yenda yke rehe. Upéi ogueraha Isboset akãngue ha oñotỹ Abner tyvýpe, Hebrónpe.
Who We AreWhat We EelieveWhat We Do
2025 by iamachristian.org,Inc All rights reserved.
