Salmokuéra 82 - Biblia en Guaraní - ?anderuete ?e’? Por? 2015

Ñanderuete ohavirava’erã umi ombojovakéva hekope’ỹ - Asaf purahéi

1Ñanderuete oĩ yvyarigua atýpe, ha umi mburuvicha oporombojovake porãva apytépe.

2Araka’e peve piko peporombojovakéta hekope’ỹ, ha peguerohorýta pende ypýpe umi hekove ñañávape. Selah

3Peipytyvõ umi ikangýva ha ityre’ỹvape, hekoitépe pembojovakeva’erã umi ojepy’apy asývape ha imboriahuetereívape.

4Peipytyvõ umi ojepy’apy ha oikotevẽ asývape, peipytyvõ umi oikóva tekove ñañáva poguýpe.

5Ha’ekuéra itavy, ndoikuaái mba’eve ha naiñarandúi, oiko pytũguýpe oku’e jave yvy pyenda.

6Che ha’éma: Peẽ voi ningo jarakuéra, ha peẽ ningo pe Jára Ijyvatetéva ra’ykuéra.

7Yvyariguakuéraicha katu pemanóta, ha pemanóta oimeraẽva mburuvicha omano háicha.

8Epu’ãna, Nde, ore Ruete, ha embojovake ko yvy, ne mba’e voi ningo opaite tetãnguéra.