1Opaite ambue pa’iguasu ojeporavóva kuimba’ekuéra apytégui, ha oñemoĩ omba’apo hag̃ua Ñanderuete renondépe hapichakuérape g̃uarã, tekotevẽ oikuave’ẽ raẽ ime’ẽmbynguéra ha ikuave’ẽmby angaipa rehegua.
2Ha’e oiporiahuvereko ha ipaciénciava’erã umi oikuaa’ỹvare ha ojavýva ndive g̃uarã, ha’e voi ikangykuaágui avei.
3Upévare ha’e oikuave’ẽ raẽva’erã kuave’ẽmby hi’angaipa rehe ha upéi hetãyguakuérare.
4Avave ndaikatúi oñemoĩ, ha’e voi, pa’iguasu ramo, upe Ñanderuete ohenoiva’ekuépente, ojehu haguéicha Aaron ndive.
5Upéicha avei Hesu Crísto noñemoĩri ha’e voi pa’iguasu ramo, Ñanderuete voi ohenói ichupe: Nde ha’e che Ra’y, ko árape Che romoñemoñáma (Salmokuéra 2,7).
6Ambue hendápe Ha’e he’i: Nde ha’e pa’iguasu tapia g̃uarãva Melquisedec reko reheguávaicha, (Salmokuéra 110,4).
7Ha’e oiko aja yvy ári ho’ópe, ojerure asy ha oñembo’e heta tesay reheve Ñanderuetépe, Ha’e oguenohẽ hag̃ua ichupe ijehasa asýgui (ijekyhyje vaígui), ha Ñanderuete ohendu Hesúpe, (Lúcas 22,40-43).
8Hesu Crísto, Ñanderuete Ra’y ramojepe, ijehasa asy rupi Ha’e ohechauka iñe’ẽrendu hague.
9Ijehasa asy rupi Ha’e ohupityva’ekue pe teko oĩ porãmbáva, ha upévare Ha’e oiko avei pe salvacion Jára ramo opavave iñe’ẽrendúvape g̃uarã.
10Upévare Ñanderuete omoĩ ichupe avei pa’iguasu ramo Melquisedec reko reheguávaicha.
Anítei peñemokangy, peñemokyre’ỹ uvei11Heta ñe’ẽ oĩve ja’eva’erã hese, hasy katu ñamyesakã porãmba hag̃ua peẽme g̃uarã, peẽ peñembopy’ahatãgui.
12Peẽ ningo ymáma mbo’eharava’erãmo’ã, ko’ág̃a peñembo’e jevyva’erã uvei umi tekombo’e hasy’ỹvare Ñanderuete ñe’ẽ ñepyrũ reheguáva rehe. Peikotevẽ jevy kamby rehe, tembi’u pohyirãnguéma.
13Umi oikóva kamby rehe, ndaikatúi ohechakuaa, ni oñembo’e pe ñe’ẽ heko peguávare.
14Umi okakuaáva katu ho’u tembi’u ipohyivéva, ojepokuaámagui ombojuavy hag̃ua mba’eporã mba’evai apytégui.
Who We AreWhat We EelieveWhat We Do
2025 by iamachristian.org,Inc All rights reserved.
