Números 2 - Biblia en Guaraní - ?anderuete ?e’? Por? 2015

Israel tríbu

aty ha imburuvichakuéra

1Ñanderuete oñe’ẽ Moises ha Aarónpe ha he’i:

2Israel ñemoñarenguéra opyta joava’erã peteĩteĩva itríbu poyviguasu ypýpe, ha hogaguasu atykuéra poyvi’i oĩháme, pe óga jojohuha jerekuévo opytapava’erã.

3Ko’ã mbohapy tríbu opytáta kuarahyresẽ gotýo: Juda tríbu oñembyaty isoldádo aty reheve ipoyvi oĩháme; Naason, Aminadab ra’y, opyta itríbu ruvicha ramo.

4 Isoldádo atýpe ojepapa 74.600 kuimba’e.

5Ijypýpe opytáta Isacar tríbu; Natanael, Zuar ra’y, opyta isoldádo ruvicha ramo.

6 Isoldádo atýpe ojepapa 54.400 kuimba’e.

7Ijypýpe opyta avei Zabulon tríbu; ha Eliab, Helon ra’y opyta itríbu ruvicha ramo.

8 Isoldádo atýpe oĩ 57.400 kuimba’e.

9Juda ejércitope (Isacar ha Zabulon division reheve) ojepapa 186.400 soldádo, ha’ekuéra oguatava’erã che retã renonderãme.

10Ruben (Simeon ha Gad reheve) opytava’erã yvy gotýo (sur) isoldádo atykuéra poyvi oĩháme; Elisur, Sedeur ra’y, opytáta Ruben tríbu ruvicha ramo.

11 Isoldádo atýpe ojepapa 46.500 kuimba’e.

12Ijypýpe oñembyaty Simeon tríbu ha Selumiel, Zurisadai ra’y, opyta itríbu ruvicha ramo.

13 Isoldádo atýpe ojepapa 59.300 kuimba’e.

14Ha Gad tríbu opyta avei Ruben ypýpe; Eliasaf, Reuel ra’y opyta itríbu ruvicha ramo.

15 Isoldádo atýpe oĩ 45.650 kuimba’e.

16Ruben ejército (Simeon ha Gad division reheve) oĩ 151.450 soldádo, ha’ekuéra osẽva’erã Ruben ejército oho rire.

17Upéi Leviguakuéra ogueraháta pe óga jojohuha, itríbu mbytetépe ha opaite tríbu opytava’erã ijejército oĩháme ha oñemohenda haguépe ichupekuéra pe óga jojohuha jerekuévo.

18Efrain ejército (Manases ha Benjamin division reheve) opytava’erã kuarahyreike gotýo ipoyvi oĩháme ha Elisama, Amiud ra’y, opyta itríbu ruvicha ramo.

19 Isoldádo atýpe ojepapa 40.500 kuimba’e.

20Hendivekuéra oñembyatýta Manases tríbu; ha Gamaliel, Pedasur ra’y, opyta itríbu ruvicha ramo.

21 Isoldádo atýpe oĩ 32.200 kuimba’e.

22Ha Benjamin tríbu oñembyaty avei Efrain ndive; Abidan, Gideoni ra’y, opyta itríbu ruvicha ramo.

23 Isoldádo atýpe oĩ 35.400 kuimba’e.

24Efrain ejército (Manases ha Benjamin division reheve) oĩ 108.100 soldádo. Ha’ekuéra osẽva’erã, Levi tríbu oho rire.

25Dan ejército (Aser ha Neftali division reheve) opytava’erã yvate gotýo (nórtepe), ha Ahiezer, Amisadai ra’y, opyta itríbu ruvicha ramo.

26 Isoldádo atýpe oĩ 62.700 kuimba’e.

27Ha hendivekuéra oñembyatýta Aser tríbu ha Pagiel, Ocran ra’y, opyta itríbu ruvicha ramo.

28 Isoldádo atýpe ojepapa 41.500 kuimba’e.

29Ha Neftali tríbu oñembyaty avei Dan ndive; Ahira, Enan ra’y, opyta itríbu ruvicha ramo.

30 Isoldádo atýpe oĩ 53.400 kuimba’e.

31Dan ejércitope (Aser ha Neftali division reheve) oĩhína 157.600 soldádo, ha’ekuéra osẽva’erã, Efrain ejército oho rire.

32Ko’ãva hína umi soldádo ojepapava’ekue Israel tribukuéra apytépe, ha ojejohu 603.550 kuimba’e.

33Ha umi Leviguápe ndojepapái ambue Israel ñemoñarenguéra ndive, Ñanderuete he’i haguéicha Moiséspe.

34Ha Israel ñemoñarenguéra ojapopa Ñanderuete he’i haguéicha Moiséspe; ha peteĩteĩ tríbu oñembyaty ipoyvi oĩháme, ha oje’ói hikuái hogaguasu atykuéra ha hogakuéra ndive oje’e haguéicha ichupekuéra osẽ hag̃ua.