1Ha ojehu Darío oisãmbyhy jave irundy áño, pe jasy 9-hápe, péva hína Kislev, Ñanderuete oñe’ẽ proféta Zacaríaspe.
2Umi Bet-elgua omondo ramoguare Sarezer ha Regem-melec iñirũnguéra ndive, ojerure hag̃ua Ñanderuete pytyvõ rehe.
3Ha oñe’ẽ hag̃ua umi pa’i ha proféta ndive oĩvahína ángel atykuéra Jára rogaguasúpe, ha he’i: Rojahe’ovétapa pe jasy 5-hápe, rojapo haguéicha heta áñoma.
4Ha ou chéve ángel atykuéra Jára ñe’ẽ ha he’i:
5Eñe’ẽ mayma tetãygua ha pa’ikuérape, ha ere: Pehasa ramojepe karu’ỹme ha pejahe’o ramojepe pe jasy 5 ha 7-hápe ko’ã 70 áño pukukue rupi, pejapo piko ko karu’ỹ kóva chéve g̃uarã.
6Pekaru ha pemboy’u javérõ, ndapekarúi ha napemboy’úipa pendejupe g̃uarãnte.
7Nako’ãi ñe’ẽ piko pende Ruete he’iva’ekue umi proféta tenondeveguarépe ojeikopa porã ramoguare gueteri py’aguapýpe Jerusalénpe ha itavakuéra jerekuévo, Négev ha Sefelápe jepe.
Napeneñe’ẽrendúi haguére pejegueraha ambue tetãme8Ha Ñanderuete ñe’ẽ ou Zacaríaspe, ha he’i:
9Péicha oñe’ẽ ángel atykuéra Jára, ha he’i: Peporombojovake hekoitépe, ha peiporiahuverekóke oimeraẽva pende rapichápe,
10ani pejopýtei umi imenave’ỹvape, ityre’ỹvape, tetã ambueyguápe ni umi mboriahúpe, ha avavéke anítei ojepy’amongeta mba’evai ipy’apýpe ityke’ýra rehe.
11Ha’ekuéra naiñe’ẽrenduiva’ekue ha ndoipotái Che amboguata ichupekuéra ha omboty hikuái ijapysakuéra ani hag̃ua ohendu che ñe’ẽ,
12ipy’a omohatã hikuái itáicha, ani hag̃ua ohendu che rembiapoukapy Che ambohasava’ekue che proféta tenondevegua juru rupi, upévare añohẽ che ángel atykuéra Jára pochy hi’arikuéra.
13Ha Che ahenói ramojepe ichupekuéra, nacherenduséi; upévare ha’ekuéra ko’ág̃a cherenói ramojepe nahendumo’ãi avei ichupekuéra.
14Upévare, Che amosarambi ichupekuéra ambue tetãnguérape, ha’ekuéra oikuaa’ỹvape, ha osẽ rire hetã itapere, hetã ojererohoryetévagui ojapo hikuái yvy perõ (desiérto).
Who We AreWhat We EelieveWhat We Do
2025 by iamachristian.org,Inc All rights reserved.
