1Salomon oñepyrũ omopu’ã Ñanderuete rogaguasu Jerusalénpe, Moría cérrope, ojehechauka haguépe itúva Davídpe, Ornan, pe Jebusgua ñemitỹngue mopotĩhápe, David ojoguamava’ekue.
2Ha oñepyrũ omopu’ã pe jasy mokõihápe, pe ára mokõihápe, oisãmbyhýma jave irundy áño.
3Salomon ojapouka Ñanderuete rogaguasu 26,25 métro ipukukue, 8,75 métro ipykue.
4Pe ogaguy oĩva Ñanderuete rogaguasu renondépe ipuku 8,75 métro, ha 8,75 métro ijyvate, ha hyepy gotýo oñu’ã órope.
5Ha pe óga ijyvateveha rupi ombyape yvyra cipréspe (ojogua pínope) ha upéva oñu’ã avei órope, ha hese omoĩ mbokaja ha yvoty ra’ãngakuéra.
6Ha’e ombojeguaka avei Ñanderuete kotyguasu oñemboykéva pa’ikuérape g̃uarã itavera hepýpe; ha óro Parvaím peguarégui.
7Péicha oñuã órope pe óga, ivigakuéra, pe okẽ pyrũhakuéra, tápia ha okẽnguéra; ha omoĩ tápia rehe querubin (ángel) ra’ãngakuéra.
8Upéicha avei ojapo pe kotyguasu oñemboykéva Ñanderuetépe g̃uarã ha pa’iguasúpe g̃uarã, ha ipukukue oha’ã 8,75 métro, pe kotyguasu pa’ikuérape g̃uarã ipy háicha, 8,75 métro, ha oñu’ã órope ha pévare g̃uarã oiporu 20.100 kílo óro.
9Ha umi clávo oroguiguáva oha’ã 0,575 kílo. Umi koty yvategua oñu’ãmba avei órope.
10Ha Ñanderuete ha pa’iguasu koty guasu ryepýpe g̃uarã ojapouka mokõi querubin (ángel) yvyrágui, ha oñu’ã mokõivéva órope.
11Ko’ã querubin pepokuéra pukukue oha’ã 8,75 métro; peteĩ pepo ipuku 2,187 métro ha pe querubin peteĩha pepo asu oja peteĩ kotyguasu tápia rehe,
12ha pe ambue querubin pepo akatúa oja ambue kotyguasu tápia rehe.
13Ko’ã querubin pepo ojepysopyréva ohupity 8,75 métro ipukukuévo, ha oĩ hikuái ñembo’yhápe ha oma’ẽva pe kotyguasu rehe oñemboykéva pa’ikuérape g̃uarã.
14Ojapo avei aosãingo aorã hovývagui, pytã hũvagui, pytãvagui ha línogui, ha jeguaka ramo omoĩ hese querubin ra’ãngakuéra.
Umi mokõi horcon15Pe óga renondépe ojapo mokõi horconguasuete, peteĩteĩva ijyvate 15,31 métro ha peteĩteĩva ári omoĩ peteĩ akã oha’ãva 2,18 métro.
16Ojapouka avei cadenakuéra, ha omoĩ pe horcon akã rehe; ha ojapo 100 granada’a (yva) ra’ãnga omoĩ hag̃ua pe cadéna rehe.
17Ha omohenda umi mokõi horcon Ñanderuete rogaguasu renondépe, peteĩ akatúa gotýo ha ambue asu gotýo; pe akatúa gotyoguápe oñembohéra Jaquin ha pe asu gotyoguápe, Boaz.
Who We AreWhat We EelieveWhat We Do
2025 by iamachristian.org,Inc All rights reserved.
