APOCALIPSIS 16 - Guarani Bible with DC

Chiu kopa reta arasɨ pegua

1Jare aendu metei ñee tätagüe tupao güi jei jókuae chiu araɨgua reta pe: “Pekua pepɨyere ɨvɨ re jókuae chiu kopa Tumpa iyarasɨ güɨnoi vae reta.”

2Jayave tenondegua araɨgua ojo opɨyere kopa güɨnoi vae ɨvɨ re, jare opa ombopere omojemɨi jare jasɨ yaeEx 9.10; Dt 28.35. reve ɨvɨ pegua reta, jókuae mbaemɨmba guasu ikañɨmaa güɨnoi vae, jókuae mbaemɨmba guasu iä omboete vae reta.

3Jare araɨgua mokoía opɨyere kopa güɨnoi vae ɨguasu re, jare jókuae ɨguasu oyeapo tugüɨrä metei kuimbae oyeyuka vaeecha. Jare opaete ɨguasu pe oikove vae omano.

4Jare araɨgua mboapɨa opɨyere kopa güɨnoi vae ɨ̈aka reta re jare ɨesaɨ reta re, jare opa oyeapo tugüɨrä.Ex 7.17-21; Sal 78.44.

5Jare aendu araɨgua ɨ re mbaepuere güɨnoi vae jei:

“OreYa Tumpa, nde ko jupi vae,

iyɨpɨ güive jare añave reiko vae,

Iyoambae vae, echa rejäa opaete mbaembae,

6echa jae reta oyuka oporogüɨrovia vae reta

jare ñeemombeúa reta,

jáeramo remee vi jou reta tugüɨ.

¡Echa jupi ko jökorai vaerä!”

7Jare aendu ñee mɨmba oyeyukagüe oyeapɨ oñemeea güi, jei: “Añete ko, oreYa Tumpa Imbaepuere yae vae, neporojäa reta añete ko jare jupi ko.”

8Jare araɨgua irundɨa opɨyere kopa güɨnoi vae kuaraɨ re, jare oñemee kuaraɨ pe mbaepuere oapɨ vaerä ɨvɨ pegua reta.

9Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.

10Jare araɨgua pandepoa opɨyere kopa güɨnoi vae jókuae mbaemɨmba guasu iguapɨa re, jare oyembopɨtumimbiEx 10.21. yae mbaemɨmba guasu iporookuaía. Jare jókuae mborookuaía pegua reta oñekü suu oiporara yae güi.

11Jare jei reta ñee ikavimbae vae Tumpa ara pe oï vae kotɨ, oiporara yae güi jare ipere jemɨi jasɨ yae güi, jare mbaetɨ oeya reta jembiapo ikavimbae vae.

12Jare araɨgua ovaa opɨyere kopa güɨnoi vae ɨ̈aka guasu Éufrates re. Jare tɨpa,Is 11.15. oñemokätɨro mburuvicha guasu reta kuaraɨ oëa kotɨgua oasa vaerä.

13Jare aecha oë mbaeporou iyuru güi, mbaemɨmba guasu iyuru güi jare ñeemombeúa raanga iyuru güi mboapɨ espíritu ikɨa vae pïte rami vae;

14jae reta ko aña reta iespíritu, mɨakañɨ oyapo vae reta. Jae reta yogüɨraja opaete ɨvɨ rupi mburuvicha guasu reta jëta guasu ñavo rupi omboatɨ oñeraro vaerä Tumpa Imbaepuere yae vae iporojäa iara pe.

15YandeYa jei: “Mase, ko ayu imondaMt 24.43-44; Lc 12.39-40; Ap 3.3. vae rami, oyerovia ko jókuae oñemokätɨro vae, jare jemimonde omongɨambae vae, agüɨye vaerä inandi reta jare güɨromara inandi.”

16Jare omboatɨuka reta hebreo iñee pe ArmagedónJue 5.19; 2 R 9.27; 23.29; 2 Cr 35.22; Zac 12.11. jee vae pe.

17Jare araɨgua chiúa opɨyere kopa güɨnoi vae ɨvɨtu re. Jare oyeendu metei ñee tätagüe ara pegua tupao güi, Tumpa iguapɨa güi, jei reve: “¡Oyeapo ma!”

18Jayave ama-vera reta, ñee reta, ararɨapu reta jare ɨvɨkanaAp 8.5; 11.13,19. tätagüe; ɨvɨkana tuicha yae vae, mbaetɨi oyeapo jókuae nunga ɨvɨ pegua reta yogüɨreko güive.

19Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yaeIs 51.17; Jer 25.15; Ap 14.10. ikotɨ vae.

20Jare opaete ɨvɨ ɨguasu-päu pegua jare ɨvɨtɨ reta opa okañɨtei.Ap 6.14.

21Jare ara güi oa opaete vae reta re metei amandauEx 9.23; Ap 11.19. guasu reta, treinta kilo oasa ipoɨ vae. Jare ɨvɨ pegua reta jei ñee ikavimbae vae Tumpa kotɨ, jókuae susere amandau guasu rupi vae re, echa jókuae susere oasa ete ikaviä.