HEBREOS 1 - Guarani Bible with DC

Tumpa imiari Taɨ rupi

1Arakae rupi Tumpa jeta imiari ñaneñemuñagüe reta pe iñeemombeúa reta rupi güire.

2Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

3Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko,

Jei vi:

“Che ko aïta Turä,

jare jae oïta cheRaɨrä.”

6Opaete mbaembae iYarä vae, ombou kuae ɨvɨ pe yave jei körai:

“Opaete Tumpa iaraɨgua reta tomboete.”

7Araɨgua reta re imiari yave, Tumpa jei körai:

“Ɨvɨtu reyapo neñee jerajaarä,

jare tata ko nderembiokuairä.”

8Ërei Tumpa jei Taɨ re körai:

“CheRu Tumpa,

ndeguapɨa mborookuaía pegua

jae ko opambae jare jekuae avei vae;

ndepo pegua popoka mborookuaía pegua, jae ko jupi vae pegua.

9Reaɨu jupi rupi mbae oyeapo vae jare remotareɨ ikavimbae.

Jáeramo ndeparavo Tumpa,

jae ko neTumpa;

yerovia katu omee ndeve vae ikavi yae,

neïru reta omboyerovia vae güi.”

10Jare Tumpa jei vi Taɨ re körai:

“CheRu Tumpa, iyɨpɨ ete pe nde ko reyapo ɨvɨ,

jare ara jae ko nderembiapo.

11Jae reta opata ko okañɨtei,

ërei nde reiko aveita;

opaete jókuae reta temimonde rami ko indechita;

12¡temimonde rami reipoepɨta,

jare oyepoepɨ retata!

Ërei nde ko oyepoepɨmbaei vae,

neaño reta opambae vae ko.”

13Tumpa mbaetɨi ko kia nunga araɨgua pe ave jei:

“Eguapɨ cheakatu kotɨ,

nderovaicho reta opa regua añono ndepɨ igüɨ pe.”

14Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.