1Peyeandu, pemomoe avei opaete mborookuai reta che poyókuai peyapo vaerä vae, peikove vaerä, peñemuña vaerä, jare peike vaerä pepɨ̈ro peyeupe jókuae ɨvɨ yandeYa güɨrökuavee peñemuñagüe reta pe vae.
2Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.
3Jare oiporarauka peve, jare pemboyɨmbɨaɨuka, ërei pemongaru maná pe, tembíu mbaetɨ peikuaa vae, jare peñemuñagüe reta ave mbaetɨ oikuaa vae, jökorai oikuaauka vaerä peve, kërai mbɨyape reñoä ko kuimbae oikoveta, jaeño opaete yandeYa jei
17Agüɨye pere pepɨa pe: ‘Opaete kuae mbaeyekou oreparavɨkɨ rupi ko rogüɨnoi.’
18Jaeño pemaendúa yandeYa Tumpa re, echa jae ko omee peve mbaepuere penoi vaerä mbaeyekou, jökorai oyembopo vaerä morogüɨrökuavee päve oyapo jee re peñemuñagüe reta pe vae, añave rupi rami.
19Ërei ngatu peakañɨ yave yandeYa Tumpa güi, peguata yave tumpa ambuae ndive, peyeokuai chupe jare petindɨ pemboete vaerä yave, tamombeu kavi voi peve, opata pemokañɨtei.
20Perovake yandeYa Tumpa opata omokañɨ tëtaguasu reta rami, pe opata pekañɨtei, mbaetɨ yave yandeYa Tumpa iñee jei vae peyapo.
Who We AreWhat We EelieveWhat We Do
2025 by iamachristian.org,Inc All rights reserved.
