SAN MATEO 8 - Guarani Bible with DC

Jesús ombogüera metei kuimbae ipire mbaerasɨ ókui vae(Mc 1.40-45; Lc 5.12-16)

1Jare Jesús ogüeyɨ ma ɨvɨtɨ guasu güi yave, jeta vae yogüeru jupíe.

2Jayave ou Jesús oïa pe metei kuimbae ipire mbaerasɨ ókui vae. Jare oyetavatɨka Jesús jóvai jei reve:

—CheYa, reipota yave chembogüera.

3Jayave Jesús opoko jese, jare jei chupe:

—¡Aipota! ¡Ekuera!

Jare jupiveiño okuera imbaerasɨ güi.

4Jare Jesús jei chupe:

—Agüɨye etei emombeu kia pe. Ekua eyeechauka sacerdote pe, jare emee mbota Moisés peokuai rami,

13Jayave Jesús jei cien sundaro vae juvicha pe:

—Ekua. Nde rerovia rami, oyeapota ndeve.

Jare jókuae ora pe etei cien sundaro vae juvicha jembiokuai okuera.

Jesús ombogüera Pedro jaicho(Mc 1.29-31; Lc 4.38-39)

14Jare Jesús oike Pedro jo pe yave, oecha Pedro jaicho jaku oï jupa pe.

15Jayave Jesús opoko ipo re, jare jaku opɨta voi chugüi. Jayave jae opüa jare omee mbae jou reta vaerä.

Jesús ombogüera jeta imbaerasɨ vae(Mc 1.32-34; Lc 4.40-41)

16Jare pɨ̈tu ma yave, güeru reta Jesús pe jeta aña oya jese vae reta. Jare Jesús iñee peño ombosɨrɨ aña reta oya jese vae reta güi, jare ombogüera opaete imbaerasɨ vae.

17Oyembopo vaerä ñeemombeúa Isaías jei vae. Echa jei: “Jae etei güɨraja yandembaerasɨ reta.”Jesús jupíe oipota tëi yogüɨreko vae reta(Lc 9.57-62)

18Jesús oecha jeta vae yogüeru jae oïa pe vae yave, jei jemimboe reta pe yogüɨraja vaerä ɨguasu jovaicho pe.

19Jare metei mborookuai re oporomboe vae oya Jesús re, jare jei chupe:

—Oporomboe vae, ajata nderupíe opaete kerupi reoa rupi.

20Jesús jei chupe:

—Aguara reta oime ikua, jare güɨra reta oime jaitɨ. Ërei che Kuimbaerä ayeapo vae mbaetɨ anoi kia pe aputuu vaerä ave.

21Jare metei jupiegua jei Jesús pe:

—CheYa, emaeño räri cheré aja vaerä cheru añotɨ regua.

22Ërei Jesús jei chupe:

—Eyu cherupíe. Emaeño toñotɨ kuri tekove opambae vae mbaetɨ güɨnoi vae reta.

Jesús omokïrii ɨvɨtuai(Mc 4.35-41; Lc 8.22-25)

23Jayave Jesús oyeupi barco raɨ pe jare jemimboe reta vi oyeupi pɨpe.

24Jare ou ɨvɨtuai tätagüe, omboɨaparúa ɨguasu, jare oike barco raɨ pe. Ërei Jesús oke oï.

25Jayave Jesús jemimboe reta omomba. Jei reta chupe:

—¡OreYa, orereroasayepe! ¡Ñamanota ma!

26Jayave Jesús jei chupe reta:

—¡Michi iporogüɨrovia vae reta! ¿Maera pa pekɨɨye?

Jayave opüa jare oñeengata ɨvɨtu jare ɨguasu pe. Jare opaete voi kïrii ngatu opɨta.

27Jare jemimboe reta ipɨakañɨ reve jei:

—¿Mbae nunga kuimbae pa kuae? Ɨvɨtu jare ɨguasu ave oyapo jae oyokuaigüe.

Mókoi kuimbae Gadaraɨgua aña oya jese vae reta(Mc 5.1-20; Lc 8.26-39)

28Jare yogüɨraja oväe ɨguasu jovaicho pe, Gadaraɨgua reta iɨvɨ pe yave, yogüeru tɨvɨa renda güi oövaiti Jesús mókoi kuimbae aña oya jese vae reta. Pochɨ yae reta jeko pegua, mbaetɨ kia ipuere oasa jókuae tape rupi.

29Jare jae reta iñeeäta reve jei:

—¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

30Jare mombɨrɨ katu chugüi jeta kuchi reta okaru ñogüɨnoi.

31Jare aña reta omoñera Jesús jei reve:

—Orembosɨrɨ yave, emaeño torojo toroya pea kuchi reta re.

32Jayave Jesús jei chupe reta:

—Pekua.

Jare ñogüɨnoi kuimbae reta güi yave, yogüɨraja oya kuchi reta re. Jayave opaete jókuae kuchi reta täta osɨi oa ɨ̈vɨa ɨvate vae güi ɨguasu pe, jare joko pe opa ipɨ̈tupa reta.

33Jayave kuchi iyangarekoa reta opa otekuarai, jare yogüɨraja tëta guasu pe omombeu opaete mbae oasagüe vae, omombeu reta vi jókuae kuimbae reta aña oya jesegüe vae reta regua.

34Jayave opaete jókuae tëta guasu pegua reta yogüeru oövaiti Jesús. Jare oecha reta yave, omoñera ojo ye vaerä jae reta iɨvɨ güi.