1Jayave Moisés jare Israel iñemuña reta otairari
Jae ko cheTumpa, amboeteta ko,
cheru iTumpa ko, ambotuichata ko.
3YandeYa jae ko ñeraro regua.
YandeYa, ¡jae ko jee!
4Ɨguasu pe opa omopɨ̈tupa Faraón isundaro reta ikäretou ndive.
¡Isundaro ruvicha reta jëia vae reta opa ipɨ̈tupa Ɨguasu Pɨ̈ta vae pe!
5Ɨ rugua tɨpɨ yae vae pe oa reta ita rami;
ɨguasu opa oyasoi reta.
6CheYa, ndepo ndeakatu kotɨgua
omboyekuaa ndembaepuere,
ndepo ndeakatu kotɨgua omoamɨri tovaicho reta.
7Ndembaepuere yae ete pe remoamɨri
oyovaicho ndekotɨ vae reta;
ndearasɨ rembou jare jae reta opa ókai, ɨtɨ ókai rami.
8Nepɨ̈túe rupi oyemboatɨ ɨ;
ɨaparúa reta oyemboatɨ meteia pe ovapetea rami;
ɨguasu tɨpɨ yae vae opa ñasusu iyɨvɨte rupi.
9Tovaicho jei:
‘Taɨkuemoña aupitɨ regua,
jare opa tamboyao apɨ̈ro chugüigüe
chepɨakatu apɨta regua.
Tanoe chekɨsepuku, jare chepo tomboai reta.’
10Ërei reipeyu ndeɨvɨtu pe,
jare ɨguasu opa oyasoi reta;
opa opɨta ɨ rugua yavaete yae vae pe, jiero oa ɨ rugua pe rami.
11CheYa,
¿kia pa nde rami ïru tumpa reta güi?
¿Kia pa nde rami tuicha yae jare iyoambae,
mɨakañɨ tuichagüe jare yavaetegüe iyapoa?
¡Jupi ko reyemboeteuka vaerä!
12¡Remopüa ndepo ndeakatu kotɨgua;
jare ɨvɨ opa omókoi reta!
13Ndeporoparareko rupi reroata kuae
tëta reyora vae;
reraja ndembaepuere
rupi nerëta oñeñono tee vae pe.
14Opaete tëta reta oendu yave
orɨrɨi retata; mbae jasɨ güi
oyeetepokata filisteo reta,
15jayave Edom pegua sundaro ruvicha
reta opata ipɨajopa;
Moab pegua jëia yae vae reta orɨrɨita
okɨɨye güi; ipɨtuta opaete Canaán pe
yogüɨreko vae reta.
16¡Toa jese reta ñeiämondo jare
kɨɨye! ¡Ndeyɨva imbaepuere jeko pegua
topɨta reta kïrii ita rami,
opa regua oasa ndembae vae reta, cheYa,
opa regua oasa ndembae vae reta reyora vae!
17Nde reroiketa reñono reta,
ɨvɨ nde remee chupe reta vae pe,
nde reikoa pe, nde reyapo kavía pe, cheYa,
o mbaemboete renda nde reiparavoa pe, cheYa.
18¡YandeYa oporookuaita iyapɨmbae
jare jekuae avei!”
María itairari19Faraón oike kavayu re opo reve ikäretou reta ndive, jare isundaro reta kavayu re oike reta ɨguasu pe yave, yandeYa opa ye ɨguasu omboyerova jese reta; ërei Israel iñemuña reta oasa ɨvɨ otinía rupi, ɨguasu ipäu rupi.
20Jare ñeemombeúa María, Aarón jeindɨ oipɨɨ metei angúa raɨ, jare opaete kuña reta oë jaɨkue angúa raɨ ndive ochüke reve,
21jare María jei chupe reta:
“Petairari yandeYa pe, echa oyembotuicha yae ete,
opa omopɨ̈tupa ɨguasu pe kavayu
jare kavayu regua reta.”
Ɨ iro yae vae22Moisés jei Israel iñemuña reta pe yogüɨraja vaerä Ɨguasu Pɨ̈ta vae güi, jare ñogüɨnoe ñuu Shur jee vae kotɨ, jare mboapɨ ara ma oguata reta yave mbaetɨño oväe ɨ.
23Opa yogüɨraja oväe Mara pe, jare mbaetɨ ipuere jou reta ɨ Mara pegua, echa iro yae; jáeramo ombojee reta Mara.
24Jayave iñeenguru reta Moisés kotɨ, jei reta: “¿Mbae pa añave routa?”
25Jare Moisés oyerure yandeYa pe, jare yandeYa oechauka chupe metei ɨvɨra; jókuae oitɨ ɨ pe, jare ombokavi ɨ.
Jare joko pe yandeYa omee chupe reta mborookuai reta, joko pe ojäa jae reta iporogüɨrovia;
26jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”
27Jare opa yogüɨraja oväe Elim jee vae pe, doce ɨ jesaɨ vae oimea pe, jare setenta karandaɨ reta; jare joko pe opɨta reta oyembojeyupa ɨ iyɨpɨ pe.
Who We AreWhat We EelieveWhat We Do
2025 by iamachristian.org,Inc All rights reserved.