1¡Pemee yasoropai Tumpa pe!
¡Pemoërakua jee!
¡Peikuaauka tëta reta pe opaete mbaembae oyapogüe!
2Petairari chupe, petairari salmo reta chupe;
¡pemiari opaete mɨakañɨ reta oyapogüe re!
3Peyemboete jee ikɨambae re,
¡toyerovia yandeYa oeka vae reta ipɨa!
4Peeka yandeYa jare imbaepuere;
peeka avei yandeYa.
5Pemaendúa mɨakañɨ reta tuichagüe jae oyapo vae re,
jare mborookuai reta jae omee vae re;
6pe, Abraham Tumpa jembiokuai iñemuña reta;
pe, Jacob iñemuña reta, Tumpa jembiparavo reta.
7YandeYa jae ko ñaneTumpa;
¡jae ipo pe ko oï opaete ɨvɨ!
8Jae imaendúa avei iporogüɨrökuavee päve re,
jókuae jekuae avei pegua oyapo vae re,
9jókuae morogüɨrökuavee päve oyapo Abraham ndive vae,
jókuae jee re aeño oñererökuavee Isaac pe vae re;
10jókuae morogüɨrökuavee päve
oñono mborookuairä Jacob pe,
morogüɨrökuavee päve opambae vae Israel peguarä;
11jei körai:
“Ndeve ameeta ɨvɨ Canaán,
ndembaerä opɨta vaerä.”
12Jae reta mbovɨ vɨteriño iñemuña kuae ɨvɨ pe yave,
ketɨgua vɨteri yogüɨreko kuae ɨvɨ pe yave,
13jare yogüɨraja reta yepi tëtaguasu ñavo rupi,
mborookuaía oimea ñavo rupi,
14Tumpa mbaetɨ omaeño kia oiporarauka chupe reta vaerä,
ërei mburuvicha guasu reta oiporara jae reta oiporarauka chupe reta jeko pegua,
15jei körai: “Agüɨye pepoko cherembiparavo reta re,
agüɨye mbae peyapo cheñeemombeúa reta pe.”
16Ombou karuai opaete iɨvɨ rupi,
opaetei opɨ̈ro chugüi reta tembíu.
17Ërei omondo metei kunumi jae reta jenonde,
jae ko José;
jae reta omee tembiokuairä vae.
18Omboasɨ reta chugüi ipɨ karena pe;
¡tembipɨɨrɨru pe oñono reta!
19Tenonde rupi José omoërakua vae
21oñono jo re omae vaerä,
jare oyangareko vaerä opaete imbaembae re,
22oñono iyɨvɨrigua mburuvicha reta itenondeguarä,
omboe vaerä tenondegua reta arakuaa katu re.
23Jaɨkue rupi ojo Israel oiko Egipto pe,
ojo Jacob oiko Cam iɨvɨ pe.
24Jare Tumpa ombojeta yae chupe iñemuña reta,
jare imbaepuere yae jovaicho Egiptoɨgua reta güi.
25Ërei jae oipoepɨ Egiptoɨgua reta ipɨa,
omotareɨ vaerä imbae vae reta,
jare oyemongeta kaviä vaerä Tumpa jembiokuai reta kotɨ.
26Jayave Tumpa ombou jembiokuai Moisés,
jare Aarón, jae oiparavo vae.
27Jare omee chupe reta oyapo vaerä mɨakañɨ reta,
Egiptoɨgua reta oikuaa vaerä Tumpa imbaepuere,
¡oyapo mɨakañɨ reta tuichagüe Cam iɨvɨ pe!
28Ombou pɨtumimbi, opaetei oyembopɨtumimbi vaerä Egipto pe,
ërei mbaetɨ oendu reta chupe.
29Opa oipoepɨ ɨ tugüɨ pe chugüi reta,
jare opa oyuka pira reta pɨpegua;
30iɨvɨ omotɨnɨe pïte pe chugüi reta,
juvicha guasu reta jo pe ave jeta pïte.
31Tumpa omoë iñee yave,
jeta yeyé mberu,
jare jeta yae kɨ́ opaetei iɨvɨ rupi.
32Okɨ vaerägüe ombou chupe amandau,
jare ama-tiriri opaete jókuae ɨvɨ re.
33Opaetei omboai chugüi iuva reta jare iɨva reta;
¡opaetei oakɨo ɨvɨra jókuae ɨvɨ pegua!
34Tumpa omoë iñee yave,
ou jetagüe tuku reta;
¡tuku raɨ reta opa rapeä yaipapa vae!
35¡Jare opaetei jou ñana jókuae ɨvɨ pegua,
jare mbaagüɨye oime tëi jókuae ɨvɨ pe vae!
36¡Oyuka Egipto pe opaete membɨrɨpɨ,
kuimbae taɨrɨpɨ reta!
37Jae güɨnoe tëta imbae vae jeta korepoti jare oro ndive;
jare mbaetɨ ñemuña reta güi kia imbaerasɨ vae.
38Egiptoɨgua oecha opa ñogüɨnoe yogüɨraja yave, oyerovia reta,
echa okɨɨye yae chugüi reta.
39Tumpa ombou amapɨtu, pɨpe omoküaraɨa reta vaerä,
jare tata, pɨpe pɨ̈tu yave omoembipe vaerä chupe reta.
40Tembíu oiporu reta yave, Tumpa ombou chupe reta inambu,
jare mbɨyape ara pegua pe omoangapɨɨ reta.
41Oipea ɨ̈vavira, jare oë ɨ,
oguata ɨ ɨ̈aka rupi rami ñuu rupi.
42Echa imaendúa ñererökuavee ikɨambae oyapo jembiokuai Abraham pe vae re.
43Tumpa, güɨnoe tëta imbae vae reta yerovia reta yae reve,
sapúkai yerovia pegua ndive ñogüɨnoe jembiparavo reta,
44omee chupe reta ïru tëtaguasu reta iɨvɨ
ïru tëta reta iparavɨkɨagüe opɨta jae reta imbaerä,
45omboete reta vaerä jare oyapo reta vaerä
jae iporookuai jare iporomboe reta.
¡Aleluya!
Who We AreWhat We EelieveWhat We Do
2025 by iamachristian.org,Inc All rights reserved.
