1Jókuae ara rupi Jesús jemimboe reta oparandu chupe:
—¿Kia pa ko jae tenondegua araɨgua mborookuaía pe?
2Jayave Jesús oenɨi metei michia, jare oñono chupe reta mbɨte pe.
3Jare jei:
—Añete che jae peve, mbaetɨ yave peyeapo jare peiko michia reta rami, ngaraa peike araɨgua mborookuaía pe.
19Jare che jae ye peve, mókoi pegüi reta omometei yave iyemongeta kuae ɨvɨ pe oiporu vaerä oipotagüe mbae cheRu ara pe oï vae pe, jae omeeta ko chupe reta oyerure chupe jese vae.
20Echa mókoi ani mboapɨ vae oyemboatɨ yave cheree re, che oime ko aï jae reta ipɨte pe.”
21Jayave Pedro ou jei Jesús pe:
—CheYa, cherëtara iyoa yave chekotɨ, ¿mbovɨ ye pa cheɨ̈rota chupe? ¿Chiu ye pa?
22Jayave Jesús jei Pedro pe:
—Che jae ndeve, neɨ̈ro aveita chupe,Lc 17.3-4. mbaetɨ chiuño.
Mókoi kuimbae ipía vae reta23“Echa araɨgua mborookuaía, metei mburuvicha guasu jembiokuai reta pe, ipía re oipota okovara vae rami ko.
24Omboɨpɨ okovara chupe reta yave, ou oyemboɨ jóvai metei jembiokuai jeta yae korepoti re ipía chupe vae.
25Jókuae jembiokuai mbaetɨ ipuere omboepɨ ramo, mburuvicha guasu oyókuai oñemee vaerä korepoti re jembiokuai jare jembireko jare imichia reta, jare opaete imbaembae, jökorai ipuere vaerä omboepɨ ipía chupe.
26Jayave jókuae jembiokuai oyetavatɨka mburuvicha guasu jóvai, jare jei chupe: ‘Cheya, ndepɨaguasu cheve, amboepɨta ko ndeve opaete.’
27Jayave mburuvicha guasu oiparareko omae jókuae jembiokuai re, oyora jare iñɨ̈ro chupe ipía re.
28Ërei jókuae tembiokuai oë güire, oväe iñeïru tembiokuai mbovɨño korepoti re ipía chupe vae. Jayave jae oyaseopɨɨ jare jei chupe: ‘¡Emboepɨ cheve ndepía!’
29Jayave jókuae iñeïru tembiokuai oyetavatɨka jae jóvai, jare omoñera reve jei chupe: ‘¡Ndepɨaguasuño cheve, jare amboepɨta ko ndeve opaete!’
30Ërei jae mbaetɨ ipɨaguasu chupe. Oñoñauka tembipɨɨrɨru pe opa regua omboepɨ ipía.
31Jare kuae oasa vae, ïru tembiokuai reta ombopɨatɨtɨ yae, jare yogüɨraja omombeu mburuvicha guasu pe opaete oasa vae regua.
32Jayave mburuvicha guasu oenɨi jókuae jembiokuai, jare jei chupe: ‘Tembiokuai ikavimbae vae.’ Che cheɨ̈ro ndeve opaete ndepía, nde chemoñera jese ramo.
33¿Maera pa nde reipararekoä jókuae neïru tembiokuai, che roparareko rami?
34Jayave juvicha guasu pochɨ chupe, jare oyókuai tembipɨɨrɨru iyangarekoa reta oiporarauka vaerä chupe opaete ipía omboepɨ regua.”
35Jökoraita vi cheRu ara pe oï vae oyapo pe ndive, mbaetɨ peɨ̈ro yave opaete pepɨa reve perëtara ombaeyavɨ pekotɨ vae pe.
Who We AreWhat We EelieveWhat We Do
2025 by iamachristian.org,Inc All rights reserved.
