2 REYES 9 - Guarani Bible with DC

Jehú oyeparavo mburuvicha guasurä Israel pe

1Jayave ñeemombeúa Eliseo oenɨi metei ñeemombeúa reta güi, jare jei chupe:

—Eyupavo, jare eraja kuae asaite Ramot kotɨ, ɨvɨ Galaad pe.

2Joko pe reo reväe yave, eeka Jehú, Josafat taɨ, Nimsi jɨmɨmino. Eike jae oïa pe, embosɨrɨ ïru reta güi jare eraja ïru o pe.

3Javoi eipɨɨ asaite jɨru jare epɨyere asaite iñäka re, jare ere chupe: “Körai jei yandeYa: Che roparavo mburuvicha guasurä, ɨvɨ Israel peguarä.” Javoi eipea öke jare etekuarai aramoete repɨtambae reve.

4Jayave ojo jókuae ñeemombeúa taɨrusu vae Ramot kotɨ, ɨvɨ Galaad pe,

5jare ojo oväe joko pe yave oime yatɨ ñogüɨnoi sundaro juvicha reta. Jayave jei:

—Oime mbae re chemiari vaerä ndeve cheruvicha.

Jehú jei chupe:

—¿Ore reta güi, kia ndive pa?

Ñeemombeúa jei chupe:

—Nde ndive cheruvicha.

6Jare Jehú opüa jare oike o pe. Jayave ñeemombeúa opɨyere iñäka re asaite, jare jei chupe:

—YandeYa Israel iTumpa jei: “Che roparavo mburuvicha guasurä, tëta Israel chembae vae peguarä. itindɨ omae ikotɨ,

33Jehú jei chupe reta:

—¡Peitɨ pembou ɨ́vɨkotɨ!

Jare jókuae kuimbae reta oitɨ ombou ɨ́vɨkotɨ, jare jugüɨ oñapiramo ovapetea jare kavayu reta; jare kavayu reta opɨ̈ro Jezabel re.

34Javoi Jehú oike okaru jare jou vino. Jaɨkue rupi Jehú jei:

—Pekua pemae jókuae kuña jeko kavimbae re jare peñotɨ; echa mburuvicha guasu tayɨ ko.

35Ërei opa yogüɨraja oñotɨ reta vaerä yave, jaeño oväe reta chupe iñäkagüe, ipɨgüe jare ipogüe reta.

36Jayave yogüeru ye imiari Jehú pe; jae jei:

—Kuae jae ko Tumpa iñee reta jembiokuai Elías Tisbe pegua rupi jei vae. “Yaɨmba reta opata jou Jezabel jetegüe ɨvɨ Jezreel pe,1 R 21.23.

37jare Jezabel jetegüe opɨtata mbaerepoti rami ɨvɨ iárambo rupi, ɨvɨ Jezreel pe, mbaetɨ eteita kia oikuaa Jezabel jetegüe ko vae.”