NÚMEROS 29 - Guarani Bible with DC

Mimbɨguasu reta iarete(Lv 23.23-25)

1Chiúa yasɨ pe, tenondegua ara pe, penoi yemboatɨ guasu Tumpa peguarä, jókuae ara agüɨye peyapo mbae nunga mbaravɨkɨ ave. Mimbɨguasu oñemoñee iara toiko peveguarä.

2Pemee mɨmba oyeyukagüe opaetei oyeapɨ vae, yandeYa pe ipiche katu vae; metei toro taɨrusu vae, metei vecha kuimbae, chiu vecha kuimbae taɨrusu vae, metei año vae, jete kavi vae.

3Jare mbota oñemee jae ndive vae, trigokúi ipɨuasɨ kavi vae, asaite ndive oyemómbɨu vae, ova kilo toro taɨrusu vae ñavo ndive, jare irundɨ kilo vecha kuimbae ñavo ndive,

4jare mókoi kilo vecha kuimbae taɨrusu vae ñavo ndive;

5pemee vi metei kavara kuimbae Tumpa iñɨ̈ro vaerä mbaeyoa re, peñeñono kavi vaerä.

6Kuae reta pemee vi oñemee reve mɨmba oyeyukagüe opaetei oyeapɨ yasɨ ñavo vae mbota reta ndive jare ara ñavo oñemee vae mbota reta ndive jare vino oyepɨyere vae mborookuai jei rami. Mbota oyeapɨ ipiche katu yandeYa pe vae ko.

Mɨmba oyeyuka Tumpa iñɨ̈ro mbaeyoa re vae regua iara(Lv 23.26-32)

7Ara payandepoa pe, jókuae yasɨ chiúa pe peyapo yemboatɨ guasu Tumpa peguarä, peyekuaku tembíu güi;Lv 16.29-34. jókuae ara agüɨye peyapo mbae nunga mbaravɨkɨ ave.

8Pemee mɨmba oyeyukagüe opaetei oyeapɨ vae, yandeYa pe ipiche katu vae, metei toro taɨrusu vae, metei vecha kuimbae, chiu vecha kuimbae taɨrusu vae, metei año vae, jete kavi vae.

9Kuae reta ndive mbota oñemee vae, trigokúi ipɨuasɨ kavi vae, olivo iasaite pe oyemómbɨu vae, ova kilo toro taɨrusu vae ñavo ndive, jare irundɨ kilo vecha kuimbae ñavo ndive,

10jare mókoi kilo vecha kuimbae taɨrusu vae ñavo ndive.

11Pemee vi metei kavara kuimbae Tumpa iñɨ̈ro vaerä mbaeyoa re; oñemee reve jókuae Tumpa iñɨ̈ro vaerä mbaeyoa re vae iara pe, jare mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae oñemee jae ndive vae.

Mbota reta küaraɨa iarete pe(Lv 23.33-44)

12Yasɨ chiúa pe, ara quince pe, penoi yemboatɨ guasu Tumpa peguarä; jókuae ara agüɨye peyapo mbae nunga mbaravɨkɨ ave, peyapo chiu ara arete ikavi yae vae yandeYa pe.Ex 23.16; 34.22; Dt 16.13-15.

13Pemee mɨmba oyeyukagüe opaetei oyeapɨ vae yandeYa pe ipiche katu vae, trece toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

14Kuae reta ndive mbota oñemee vae, trigokúi ipɨuasɨ kavi vae, olivo iasaite pe oyemómbɨu vae, ova kilo toro taɨrusu vae ñavo ndive, jókuae trece vae, jare irundɨ kilo vecha kuimbae ñavo ndive, jókuae mókoi vae,

15jare mókoi kilo vecha kuimbae taɨrusu vae ñavo ndive.

16Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

17Ara mokoía pe pemee doce toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

18Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

19Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

20Ara mboapɨa pe pemee once toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

21Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

22Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

23Ara irundɨa pe pemee payandepo toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

24Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

25Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

26Ara pandepoa pe pemee chau toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

27Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

28Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

29Ara ovaa pe pemee juri toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

30Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

31Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

32Ara chiúa pe pemee chiu toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

33Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

34Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

35Ara juríaJn 7.37. pe penoi yemboatɨ ikavi yae vae Tumpa peguarä; jókuae ara agüɨye peyapo mbae nunga mbaravɨkɨ ave.

36Pemee mɨmba oyeyukagüe opaetei oyeapɨ vae yandeYa pe ipiche katu vae; metei toro taɨrusu vae, metei vecha kuimbae, jare chiu vecha kuimbae taɨrusu vae, metei año vae, jete kavi vae.

37Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

38Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

39Jae kuae mbota reta pemeeta yandeYa pe vae, peyapo arete ikavi yae vae Tumpa peguarä yave, pemee reve pe aeño peñererökuavee pemee vaerä vae, ani pepɨa-kɨ̈reɨ ngatu reve pemee vae; mɨmba oyeyukagüe opaetei oyeapɨ vae yepe, mbota temitɨ jäɨgüe, ani vino oyepɨyere vae, ani mbota yembopɨakatu pegua yepe.”

40Jare Moisés jei Israel iñemuña reta pe opaete yandeYa oyókuai vae rami.