2 REYES 20 - Guarani Bible with DC

Ezequías imbaerasɨ jare iñepoano(2 Cr 32.24-26; Is 38.1-22)

1Jókuae ara rupi Ezequías imbaerasɨ yae ete, oyuka vaerä güɨnoi. Jare ñeemombeúa Isaías, Amoz taɨ ou ípɨri, jare jei chupe:

—YandeYa jei: “Emboarakuaa kavi neñemuña reta, echa remanota, mbaetɨta ma rekuera.”

2Jayave Ezequías oyerova ovapetea kotɨ jare oyerure yandeYa pe, jei körai:

3“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

4Jare Isaías ndei jókuae mburuvicha joka mbɨte pe oväe ojo mbove, yandeYa jei Isaías pe körai:

5“Eyerova ye jare ere Ezequías pe, chembae vae reta juvicha pe: ‘Körai jei yandeYa, neñemuñagüe David iTumpa: Che aendu ndeyerure jare aecha nderesaɨ. Rombogüerata jare mboapɨ araa pe reota chetupao pe.

6Ameeta reikove ye quince año, nde jare kuae tëta guasu aepɨta Asiria pegua mburuvicha guasu ipo güi. Che ayangarekota kuae tëta guasu re, cherembiokuai David aaɨu jeko pegua jare che ayeaɨu jeko pegua.’ ”

7Javoi Isaías oyapasouka ɨva, jare jökorai oyapo reta chupe jare oñono reta mburuvicha guasu re, jete imbaerasɨa re, jare okuera.

8Ezequías oparandu yepe Isaías pe körai:

—¿Këraita pa aikuaa yandeYa chembogüerata ko vae, jare kuae güire mboapɨ araa pe ajata ko yandeYa jo pe vae?

9Isaías jei chupe:

—Kuae mɨakañɨ jae ko yandeYa oechaukata ndeve vae; yandeYa oyapota ko jei vae: ¿Reipota pa kuaraɨ iküaraɨa oñejäa vae osɨrɨ jenonde kotɨ payandepo ani reipota pa osɨrɨ ye payandepo jaɨkue kotɨ?

10Ezequías jei chupe:

—Kuaraɨ iküaraɨa ojo jenonde kotɨ vae yavaimbae ko, yavai vae, jae ko jaɨkue kotɨ ojo ye vaerä.

11Jayave ñeemombeúa Isaías oyerure yandeYa pe, jare yandeYa ombouka ye küaraɨa jaɨkue kotɨ payandepo ma osɨrɨ tëi Acaz iora ojäa pɨpe vae pe.

Ezequías omboresive Babilonia güi yogüerugüe(2 Cr 32.27-31; Is 39.1-8)

12Jókuae año rupi Merodac-baladán, Baladán taɨ, mburuvicha guasu Babilonia pegua ombou ñee jerajaa reta tupapire reta ndive jare mbota Ezequías peguarä, echa oikuaa Ezequías imbaerasɨ oï vae.

13Ezequías oyeapɨsaka jese reta oechauka opaete jo pegua mbaembae jepɨ vae oñeñovatu vae: Korepoti, oro, mbae ipiche kavi vae, ikäti kavi yae vae, jare tembiporu reta ñeraro pegua, opaete imbaembae jepɨ vae oñeñovatúa pegua; mbaetɨ metei ave Ezequías oechaukambae vae jo pegua jare opaete güɨnoigüe.

14Jayave ñeemombeúa Isaías ou mburuvicha guasu Ezequías pɨri, jare jei chupe:

—¿Ketɨ güi pa yogüeru jókuae kuimbae reta jare mbae pa jei reta ndeve?

Ezequías jei:

—Yogüeru mombɨrɨ güi; Babilonia güi yogüeru.

15Isaías jekuae oparandu ye chupe:

—¿Mbae pa oecha reta ndero pe?

Ezequías jei:

—Oecha reta opaete oï chero pe vae, mbaetɨ etei mbae, che aechaukambae chupe reta vae.

16Jayave Isaías jei Ezequías pe:

—Eyeapɨsaka kuae yandeYa iñee re:

17“Oväeta ara opaete mbaembae ndero pegua reta jare opaete neñemuñagüe reta omboatɨgüe opa vaerä oyereraja Babilonia pe, mbaetɨ eteita mbae opɨta kuae pe, jei yandeYa. retata oyapo vaerä tembiokuairä mburuvicha guasu jo peguarä.”

19Jayave Ezequías jei Isaías pe: “YandeYa iñee remombeu vae jaekavi ko.” Echa jei yepe iyeupe: “Aikove aiko ramboeve oimeñota mbɨakatu jare mbae jupi vae.”

Ezequías imano(2 Cr 32.32-33)

20Ïru mbaembae Ezequías regua, opaete imbaepuere regua, ɨrɨru oyapo vae, ɨrape, güɨraja vaerä ɨ tëta guasu pe vae, oyekuatía oï tembikuatía pe, Judá pegua mburuvicha guasu reta regua oyekuatía oïa pe.

21Jare Ezequías omano yave oñotɨ reta iñemuñagüe reta oñeotɨa pe; taɨ Manasés oguapɨ jekovia pe mburuvicha guasurä.