1Ara mbutuu oasa ma yave, ndeimboveasɨ tenondegua ara semana iyɨpɨ pe, María Magdalaɨgua jare ïru María yogüɨraja tɨvɨa kotɨ.
2Jare ɨvɨ täta okana, echa metei yandeYa iaraɨgua ogüeyɨ ara güi jare ombosɨrɨ ita tuicha vae tɨvɨa jöke güi, jare oguapɨ oï jese.
3Jare jova oyekuaa ama-vera rami. Jare jemimonde tïiasɨ iroɨ tïiasɨ vae rami.
4Jare tɨvɨa re oyangareko ñogüɨnoi vae reta orɨrɨi okɨɨye güi, jare omano rami opɨta reta.
5Ërei araɨgua jei kuña reta pe:
—Agüɨye pekɨɨye. Echa aikuaa peeka ko Jesús kurusu re oyekutuuka vae.
6Mbaetɨ ma kuae pe oï. Oikove ye ma ko jae jei rami. Peyu pemae yandeYa jendagüe re.
7Jare pekua voi pere jemimboe reta pe jae oikove ye ma omanogüe reta ipɨte güi vae. Jare ojota perenonde Galilea pe. Joko pe peechata. Kuae ko ayu amombeu peve.
8Jayave kuña reta oë tɨvɨa güi, okɨɨye reta jare oyerovia yae reta reve. Jare osɨi yogüɨraja omombeu vaerä Jesús jemimboe reta pe. Ërei yogüɨraja ramboeve omombeu vaerä.
9Jesús oövaiti jare jei chupe reta:
—Kërai pa peï.
Jayave kuña reta oyetavatɨka ɨvɨ pe oiküava itɨma rupi jare omboete.
10Jayave Jesús jei chupe reta:
—Agüɨye pekɨɨye. Pekua pemombeu cherɨvɨ reta pe yogüɨraja vaerä Galilea pe. Joko pe chereecha retata.
Sundaro reta omombeu vae11Jare kuña reta yogüɨraja ye ramboeve tɨvɨa güi, amogüe sundaro tɨvɨa re oyangareko vae reta yogüɨraja vi tëta guasu pe, omombeu sacerdote reta itenondegua reta pe, opaete mbae oasagüe.
12Jayave sacerdote reta itenondegua reta oyomboatɨ tëta pegua reta itenondegua reta ndive. Jare opa güire oyemongeta reta, omee jeta korepoti sundaro reta pe.
13Jare jei chupe reta:
—Körai pere: Jesús jemimboe reta yogüɨraja pɨ̈tu yave, oñomi oregüi Jesús jetegüe, ore roke roï ramboeve.
14Jare mburuvicha kuae oikuaa yave, ore romombeuta chupe pe reta mbaetɨ ko teko penoi vae.
15Jayave sundaro reta oipɨɨ korepoti jare oyapo reta mburuvicha reta jei chupe reta vae. Jare jókuae jërakua opaete judío reta rupi añave regua.
Jesús oyókuai jemimboe reta(Mc 16.14-18; Lc 24.36-49; Jn 20.19-23)16Jare jókuae once Jesús jemimboe reta yogüɨraja Galilea pe,Mt 26.32; Mc 14.28. ɨvɨtɨ Jesús omombeu chupe retaa pe.
17Jare jemimboe reta oecha yave Jesús, omboete. Ërei amogüe vae mbaetɨ güɨrovia jae ko Jesús vae.
18Jare Jesús oya katu jese reta jare jei chupe reta:
—Opaete mbaepuere oñemee ma cheve ara pe jare ɨvɨ pe.
19Jáeramo pekua pemboeHch 1.8. opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.
20Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!
Who We AreWhat We EelieveWhat We Do
2025 by iamachristian.org,Inc All rights reserved.
