RUT 4 - Guarani Bible with DC

Booz omenda Rut ndive

1Jayave Booz ojo oguapɨ tëta guasu jöke yemboatɨa renda pe; jare ko ou jókuae kuimbae, Booz imiari jese vae, jare jei chupe:

—Eyu räri kuae pe jare eguapɨ.

Jare jókuae kuimbae ou oguapɨ.

2Jayave jae oenɨi payandepo kuimbae reta, tëta guasu pegua tenondegua reta jare jei:

—Peguapɨ kuae pe.

Jare jókuae kuimbae reta oguapɨ.

3Javoi Booz jei jókuae jëtara pe:

—Noemí ou ye ɨvɨ Moab güi vae, omeeta ñanerëtara Elimelec amɨri iɨvɨ.

4Jare ayemongeta aikuaauka vaerä ndeve, jare amombeu ndeve, regua vaerä, kuae pe oguapɨ ñogüɨnoi vae reta jovake, jare cherëta pegua tenondegua reta jovake; nde reipota remboepɨ yave, emboepɨ, jare mbaetɨ yave reipota remboepɨ, emombeu cheve, che aikuaa vaerä; echa mbaetɨ yé ïru omboepɨ vaerä, jaeño nde, jare che nderaɨkue rupi.

Jare jae jei chupe:

—Che tamboepɨ.

5Jayave Booz jei ye chupe:

—Ɨvɨ regua yave Noemí güi, jókuae ara rerekota vi ko Rut Moab pegua, omano vae jembirekogüe, jókuae ɨvɨ oiko vaerä omano vae jee reño.

6Jayave Booz jëtara jei:

—Jökorai ko yave, mbaetɨta amboepɨ, agüɨye vaerä arokomegua chembaeyekou. Nde emboepɨ; tamboasa ndeve, echa mbaetɨta chepuere amboepɨ.

7Jókuae ara rupi Israel pe teko jae ko, oñoëtara vae omboasa yave mbae oyoupe ani ramo mbae omee oyoupe yave, omoañete vaerä oipotagüe yemongeta, jókuae omee vae omboi ipɨapaa jare omee jókuae ogua vae pe; körai kuae nunga oyeapo Israel pe, yemongeta oñemoañete vaerä.

8Jayave Booz jëtara jei:

—Nde