JEREMÍAS 43 - Guarani Bible with DC

Yakavo Egipto kotɨ

1Jeremías opa imiari opaete vae reta pe, jae reta iYa Tumpa oyókuai jei vaerä chupe reta vae yave,

2Azarías, Osaías taɨ; Johanán, Carea taɨ jare ïru kuimbae ipɨapochɨ vae reta jei Jeremías pe: “¡Ndeapu ko! YandeYa Tumpa mbaetɨ ko ndeokuai, agüɨye vaerä rojo roiko Egipto pe.

3Baruc, Nerías taɨ ko ndemboemboe orekotɨ, opa vaerä orereitɨuka Caldeaɨgua reta ipo pe, jare opa vaerä oreyuka ani opa orerajauka oreɨvɨ güi Babilonia kotɨ.”

4Jökorai, Johanán ani sundaro ruvicha reta ani Judá pe jembɨregüe reta ave mbaetɨ opɨta ɨvɨ Judá pe, mbaetɨ oendu reta yandeYa iporookuai.

5Johanán, Carea taɨ, jare opaete sundaro ruvicha reta omboatɨ opaete Judáɨgua jembɨregüe reta, opa ye yogüeru tëtaguasu reta güi yogüɨreko Judá pe vae reta:

6Kuimbae reta, kuña reta, michia reta, mburuvicha guasu tayɨ reta, jare opaete Nabuzaradán, sundaro omaeäro vae reta juvicha oeya Gedalías, Ahicam taɨ Safán jɨmɨmino ipo pe oyangareko vaerä jese vae reta; jare vi ñemombeúa Jeremías jare Baruc.

7Opa yogüɨraja Egipto2 R 25.26. kotɨ, oyapombae reve yandeYa jeigüe vae, jare yogüɨraja oväe tëta guasu Tafnes pe.

8Jare jókuae tëta guasu Tafnes pe, yandeYa jei Jeremías pe:

9“Eipɨɨ mbovɨ ita tuichagüe opaete Judá pegua reta jovake, jare eñotɨ piso ladrillo pegua oï mburuvicha guasu Faraón jo jöke pe vae pe,

10jare ere chupe reta: ‘YandeYa Imbaepuere yae ete vae Israel iTumpa jei: Ambouta cherembiokuai Nabucodonosor, mburuvicha guasu Babilonia pegua, jare añonota iporookuaía jare jorä güɨnoi vaerä kuae ita reta añotɨ vae iárambo.

11Jae outa omboai ɨvɨ Egipto. Oyembojee omano vaerä vae, omanota; oyembojee iɨvɨ güi oyereraja vaerä vae, oyererajata; oyembojee ñeraroa pe omano vaerä vae, joko pe omanota.Jer 15.2.

12Oapɨta Egipto pegua tumpa-raanga reta itupao reta, tumpa-raanga reta oapɨta ani opata güɨraja tembipɨɨ rami; opaeteita oitɨvɨro oeya tëtaguasu Egipto, metei vecha iyangarekoa jemimonde güi ñemokɨra oitɨo rami, javoi oë yeta ojo mbaetɨ etei reve kia oyopia.

13Omboaita vi tëta guasu Bet-semes pegua ita reta oyemboete vae, ɨvɨ Egipto pe oï vae, jare Egipto pegua tumpa-raanga reta itupao opata oapɨ reta.’ ”