1Kia nunga vae omee jɨmba reta güi mɨmba oyeyuka yembopɨakatu peguarä yave, tomee toro ani guaka jete kavi vae cheve.
2Jare jókuae mbota omee vae toñono ipo mɨmba iñäka re, jare toñaseokɨ̈ti tupao guakapi pegua ikësea jöke pe, jare sacerdote reta Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.
3Javoi tomee mɨmba oyeyukagüe yembopɨakatu pegua güi, mbota oyeapɨ vae cheve, ikɨra oñova ichuri churigüe vae,
4ipɨ̈rɨkɨti reta jare ikɨragüe oñova vae, jare ikupepɨte japɨpe ikɨragüe oï vae, jare ipɨ̈rɨkɨti reta ndive toekɨ iyambia oï ipɨa re vae.
5Opaete kuae reta Aarón taɨ reta toapɨ mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae ndive, yepea tata pe oï vae iárambo; mbota ipiche katu vae ko cheveguarä.
6Ërei kia nunga vae omee jɨmba reta güi mɨmba oyeyukagüe yembopɨakatu peguarä cheve yave, tomee jete kavi vae vecha kuimbae ani vecha kuña, kavara kuimbae ani kavara kuña.
7Jókuae mbota, vecha kuimbae taɨrusu vae ko yave, tomee cheróvai.
8Toñono ipo jókuae mɨmba iñäka re, jare jaɨkue rupi toñaseokɨ̈ti tupao guakapi pegua jóvai; jare Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.
9Jare mɨmba yembopɨakatu pegua güi tomee cheve mbotarä oyeapɨ vae, ikɨragüe, juguai joko reve, toekɨ juguaiɨpɨ rupi, ikɨra oñova ichuri churigüe vae.
10Jaeramiño vi ipɨ̈rɨkɨti reta, jare ikɨragüe oñova vae, jare ikupepɨte japɨpe ikɨragüe oï vae, jare ipɨ̈rɨkɨti reta ndive toekɨ iyambia oï ipɨa re vae.
11Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ vae ko cheveguarä.
12Jókuae mbota, kavara ko yave tomee cheróvai.
13Toñono ipo jókuae mɨmba iñäka re, jare toñaseokɨ̈ti tupao guakapi pegua jóvai; jare Aarón taɨ reta toñapiramo jugüɨgüe pe mɨmba oyeyuka oyeapɨ jese vae iyɨke yɨke re.
14Jaɨkue rupi jókuae mbota güi tomee mbota oyeapɨ vae cheve; ikɨra oñova ichuri churigüe vae.
15Ipɨ̈rɨkɨti reta jare ikɨragüe oñova vae, jare ikupepɨte japɨpe ikɨragüe oï vae, jare ipɨ̈rɨkɨti reta ndive toekɨ iyambia oï ipɨa re vae.
16Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ ipiche katu vae ko cheveguarä. Opaete mɨmba ikɨragüe chembae ko.
17Mborookuai jekuae avei pegua toiko peveguarä jare peraɨ reta peguarä, oipota rupi peikoa rupi, agüɨye peu mbaekɨra ani tugüɨ.”
Who We AreWhat We EelieveWhat We Do
2025 by iamachristian.org,Inc All rights reserved.
