NEHEMÍAS 1 - Guarani Bible with DC

Nehemías iyerure Jerusalén re

1Jae ko kuae Nehemías, Hacalías taɨ imiari vae regua. Metei ara, Quisleu yasɨ re ArtajerjesEsd 4.7. veinte año ma oiko mburuvicha guasurä yave, che aï tëta Susa pe; kuae tëta güi ko mburuvicha guasu reta oporookuai.

2Jayave ou cherɨvɨ Hanani jee vae, amogüe kuimbae reta ɨvɨ Judá pegua ndive. Jare aparandu chupe reta judío reta oasayepe tembipɨɨ güi vae re, jare tëta Jerusalén re.

3Jare jei reta cheve: “Jókuae jembɨregüe reta, oasayepe tembipɨɨ güi vae reta, jókuae ɨvɨ pe opɨtagüe reta mbaetɨ etei ikavi ñogüɨnoi, ñemomarai rupi yogüɨreko reta; jare Jerusalén ikësea opa oyemboai oï, jare jöke reta opa oyeapɨ.”

4Aendu yave kuae ñee reta, aguapɨ jare ayaeo; chepɨatɨtɨ mbovɨ ara rupi, ayekuaku tembíu güi jare ayerure Tumpa ara pe oï vae jóvai.

5Jae körai: “Romoñera cheYa Tumpa ara pe reï vae, imbaepuere yae vae, tuicha yae ete vae jare kɨɨyea yae vae, omboete avei morogüɨrökuavee päve oyapogüe vae, jare reiparareko avei opaete nderaɨu vae reta, jare ndeporookuai reta oyapo vae;

6añave eendu jare emae che nderembiokuai iyerure re; ara ñavo jare pɨ̈tu ñavo ayapo aï nderóvai nderembiokuai Israel iñemuña reta re vae. Amombeu ore Israel iñemuña reta oreyoa ndekotɨ vae. ¡Añetete, che jare cheru jo pegua reta ave ko oreyoa!

7Oasa ete roñererokomegua ndegüi, jare mbaetɨ royapo mborookuai reta remee nderembiokuai Moisés rupi vae.

8Nemaendúa añave neñee re, nderembiokuai Moisés pe remee vae, rere reve: ‘Pe reta peyoa yave, che opata pomoai moai tëtaguasu reta rupi;Lv 26.33; Dt 28.64.

9ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo chereeDt 30.1-5. oï vaerä pɨpea pe.’

10Jae reta ko nderembiokuai, ndembae vae reta ko, ndembaepuereDt 9.29. yae rupi reepɨ reta vae.

11Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”