1Pɨ̈tu rupi, cherupa pe aeka aaɨu vae.
Aeka tëi, ërei mbaetɨ aväe.
2Jayave apüa jare aguata opaete tëta guasu rupi,
aeka vaerä aaɨu vae,
kaye rupi jare oka guasu rupi.
Aeka tëi, ërei mbaetɨ aväe.
3Cheväe tëta guasu iyangarekoa reta,
jare aparandu chupe reta, jae:
“¿Mbaetɨ pa peecha aaɨu vae?”
4Aasa chugüi reta ñoete,
añoväe jókuae aaɨu vae ndive.
Aipɨɨ, apoimbae ye chugüi,
chesɨ jo pe araja regua, jókuae aa pe.
Kuimbae:5Kuñatai reta Jerusalén pegua,
pomoñera, guasu jare guasukaka taɨrusu vae jee re.
¡Agüɨye vaerä aaɨu vae pemomba,
pemaeño toke pɨagüive,
tosareko jae oipota yave!Mboapɨa tairariCoro:
6¿Kia pa jókuae ñuu kotɨ güi tätatiecha opüa oyekuaa ou vae,
mirra jare incienso omoätati güeru vae?
7¡Jae ko Salomón ivoɨka!
Sesenta sundaro jeia yae vae Israel pegua yogüeru iyɨke rupi;
8opareve güɨnoi kɨsepuku,
jare ipoki yae oñeraro reta vae;
metei ñavo ikúa re güɨraja ikɨsepuku,
pɨ̈tu yave oime pegua mbae.
9Mburuvicha guasu Salomón oyapouka iyeupe metei voɨka,
ɨvɨra ikavigüe Líbano pegua.
10Ikäretou ietaka korepoti pegua;
jenda iyekoa, oro pegua;
jenda oñemopöra oñeova asoya pɨ̈ta vae pe;
japɨpe oñemopöra pɨagüive kavi yae,
kuña reta Jerusalén pegua ombokavi.
11¡Kuña reta Sión pegua!
¡Peë pemae mburuvicha guasu Salomón re!
Ä ka-regua oñono güeru iñäka re, ichɨ oyapo chupe imenda peguarä vae.
Jókuae ara ipɨa yerovia yave peguarä vae.
Who We AreWhat We EelieveWhat We Do
2025 by iamachristian.org,Inc All rights reserved.
