1¡YandeYa ko tuichagüe yae!
¡Jupi ko oyemboete yae vaerä jëta guasu pe,
iɨvɨtɨ oñeñono teea pe!
2¡Ipöra yae ɨvɨtɨ guasu Sión,
jókuae jovaicho ɨvɨtuguasu kotɨgua!
¡Jae ko opaete ɨvɨ omboyerovia vae!
¡Jae ko Mburuvicha guasu jëta guasu!
3Tumpa oï o mburuvicha jo Jerusalén pegua pe;
jae oyekuaauka metei ñepɨ̈roa ikavi yae vae rami.
4Echa mburuvicha guasu reta ïru ɨvɨ pegua oyemboatɨ
jare oporepeña ikotɨ;
5ërei oecha reta jókuae tëta guasu yave, ipɨakañɨ yae reta,
ipɨa jopa reta jare opa otekuarai reta.
6Okɨɨye yae reta,
mbae jasɨ omborɨrɨi reta,
kuña imembɨ oa oï yave vae rami;
7ɨvɨtuakuvo opa güɨrokomegua
Tarsis pegua barco reta rami.
8Roendu jesegua rami, jökorai etei roecha,
yandeYa Imbaepuere yae ete vae jëta guasu pe,
ñaneTumpa jëta guasu pe.
¡Tumpa omopɨ̈ratata jekuae avei pegua!
9CheRu Tumpa,
oremaendúa ndeporoparareko re ndetupao pe.
10CheRu Tumpa,
nderee Tuichagüe oï rami, jökorai ndemboete vae opaete ɨvɨ rupi.
Ndembaepuere ndive reyapo jupigüe.
11¡Toyerovia yae ɨvɨtɨ Sión!
¡Toyerovia tëta guasu reta Judá pegua reta,
jupigüe reyapo vae re!
12Peyere peguata Sión re,
jare peipapa maeka ɨvate vae reta;
13pemae kavi ikësea re jare mburuvicha jo reta re,
pemiari vaerä peñemuña reta taɨkue rupi oimeta vae pe,
14echa kuae Tumpa jae ko, oiko avei ñaneTumpa jekuae avei pegua vae.
¡Jae ko yandererajata kutɨ yé mano güi!
Who We AreWhat We EelieveWhat We Do
2025 by iamachristian.org,Inc All rights reserved.
