1Nemaendúa ndeApoa re, ndetaɨrusu ramboeve, ndei ara reta yavai yae vae oväe ndeve mbove, ndei rere mbove: “Mbaetɨ chemboyerovia aikogüe vae.”
2Ndei ogüe kuaraɨ, yasɨ jare yasɨtata reta mbove, ama jaɨkue rupi ndei amapɨtu ou mbove.
3Oväeta ara orɨrɨi vaerä mburuvicha guasu jo järoa reta jare itindɨ vaerä kuimbae reta jëia yae vae; mbovɨ yae jembɨreta omaemongúi vae reta, jare ngaraa ma omaemongúi reta; jare ventana rupi omae vae reta, jäveta omae.
4Jókuae ara oväe yave, oyeokendata öke ikatu kotɨgua reta; mbaemonguía ngaraa ma oyeendu mbatee ipu; opata ma güɨra reta ndei oñee mbove, ërei tairari reta ngaraa ma oyeendu;
5ɨvɨtɨ rupi okɨɨyeta oguata jare tape rupi ave okɨɨyeta oguata.
Temitɨ almendra ipotɨta,
tuku oikota mbaemboavairä,
mbaetɨta ma ipɨ̈rata.
Echa kuimbae ojo, oikotaa pe jekuae avei pegua,
jare kaye rupi oyeenduta, oapïro vae reta.
6Ndei ramboeve oso tɨmasa korepoti pegua, ndei ramboeve oyeka yapepo oro pegua, ndei ramboeve oyeka tinaa ɨesaɨ jembeɨ pe, ndei ramboeve oso ɨ oñerenoe ɨkua güi pɨpe vae.
7Ndei ɨvɨkúi ojo ye oyea ɨvɨ ndive mbove, tenonde yave rami, jare ndei tekove ojo ye Tumpa kotɨ mbove, jókuae imeea kotɨ.
8Che, Añemoñee vae jekuae jae ye:
“¡Mbaeä etei ko opaete mbaembae!
¡Jaangaño ko opaete mbaembae!”
Opaete mbaembae kuimbae reta oyapo vaerä9Oñemoñee vae jeiete yarakuaa ramboeve, jeiete vi oporomboe arakuaa re. Oyemboe, oyemongeta, jare oyapo jeta ñee reta arakuaa pegua.
10Che, Añemoñee vae, aeka aväe vaerä ñee reta ikavigüe, jare aikuatía vaerä jupi rupi kavi ñee reta añetete vae.
11Yarakuaa vae reta iñee ko ɨvɨra jakuaroviasɨ vae rami, jare clavo oyekutuasɨ mbae re vae rami ko oporomboe vae reta iñee.
12Cheraɨ, eendu yemboarakuaa ndeyeupe. Tembikuatía iyapo opambaei ko, jare jeta ete yayemboe vae, yandemokangɨ ko.
13Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.
14Echa Tumpa ñanejäata ko opaete mbaembae yayapogüe re, yayapo vɨari vae re ave, ikavi vae ani ikavimbae re.
Who We AreWhat We EelieveWhat We Do
2025 by iamachristian.org,Inc All rights reserved.
