ÉXODO 20 - Guarani Bible with DC

Payandepo mborookuai reta(Dt 5.1-21)

1Tumpa imiari opaete kuae ñee reta, körai:

2“Che ko jae peYa Tumpa, perenoe ɨvɨ Egipto güi vae, yeokuaiasɨ katu güi.

3Agüɨye pereko ïru tumpa reta chegüi.

4Agüɨye peyapo peyeupe mbae iägüe pemboete vaerä, ani mbae iägüe ɨvate ara pe oï vae ave, ani ɨvɨ pe oï vae ave, ani ɨ pe ɨvɨgüɨ pe oï vae ave.

5Agüɨye peyetavatɨka yepe jóvai, agüɨye vi pemboete,

12Pemboete peru jare pesɨ,

14Agüɨye peyapo aguasa.

15Agüɨye pemaeñomi.

16Agüɨye pemiari añetembae perapicha kotɨ.

17Agüɨye peipotarai

20Jare Moisés jei chupe reta:

—Agüɨye pekɨɨye; echa pekuaa vaerä ou Tumpa, peipoɨu vaerä chugüi, agüɨye vaerä peyoa.

21Jayave Israel iñemuña reta omae ñogüɨnoi mombɨrɨ güiño, jayave Moisés oya amapɨtu pɨtumimbi oï vae re, echa joko pe Tumpa oï.

Mɨmba oyeyuka oyeapɨ jese vae regua mborookuai

22YandeYa jei Moisés pe:

—Körai ere Israel iñemuña reta pe: “Pe reta peecha chemiari ara güi pe reta ndive vae.

23Agüɨye peyapo tumpa oro pegua ani korepoti pegua, pemboete vaerä che chemboete rami.

24Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

25Peyapo yave cheve mɨmba oyeyuka oyeapɨ jese vae ita pegua, agüɨye jókuae ita peñopa,Dt 27.5-7; Jos 8.31. echa peñopa tembiporu pe yave, mbaetɨ ma ko ikavi.

26Agüɨye toyeapo yeupika mɨmba oyeyuka oyeapɨ jese vae re, agüɨye vaerä oyekuaa peu peyeupi jese yave.”