1Che Pablo, Jesucristo jemimondo Tumpa jemimbota rupi, amoërakua vaerä tekove Cristo Jesús re.
2TimoteoHch 16.1; Tit 1.2. cheraɨ aaɨu vae, aikuatía kuae tupapire ndeve, yandeRu Tumpa jare yandeYa Cristo Jesús ipɨakavi jare iporoparareko jare ipɨakatu toï nde ndive.
Cristo regua omoërakua ïru vae reta pe3Amee yasoropai Tumpa pe, chupe ayeokuai cheyemongeta ikavi reve cheñemuñagüe reta rami, jare chemaendúa avei nderé cheyerure reta rupi ara rupi jare pɨ̈tu rupi.
4Chemaendúa kërai nderesaɨ repɨyere vae re, aipota yae roecha, ayerovia yae vaerä.
5Chemaendúa vi ndeporogüɨrovia añetete vae re. Ndeyarɨ Loida jare ndesɨ EuniceHch 16.1. räri güɨnoi jókuae mborogüɨrovia, jare aikuaa kavi nde vi ko renoi.
6Jáeramo romboarakuaa. Eñemoäta ngatu jókuae mbaepuere Tumpa omee ndeve vae re, jókuae oñemee ndeve chepo añono nderé yave vae.
7Echa Tumpa mbaetɨ ko omee yandeve espíritu kɨɨye pegua, omee ko yandeve mbaepuere pegua, mboroaɨu pegua jare yayopia vaerä yanderete oipota vae.
8Jáeramo agüɨye nemara remombeu vaerä yandeYa regua, ani cheregua. Echa che aiko kuae tembipɨɨrɨru pe yandeYa pe ayeokuai ramo. Ërei eiporaraño ñee ikavi vae re, Tumpa imbaepuere rupi.
9Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.
10Añave oikuaauka yandeve ipɨakavi, yandemboasa vae Jesucristo rupi. Echa jae omboai mano imbaepuere, jare ñee ikavi vae rupi oikuaauka yandeve kërai ñanoi tekove opambae vae.
11Jokuaerä Tumpa cheparavo amoërakua vaerä, temimondorä jare amboe1 Ti 2.7. vaerä judiombae vae reta.
12Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.
13Eiko mboromboe añete vae re, chegüi reendu vae, mborogüɨrovia jare mboroaɨu Cristo Jesús re.
14Eñovatu ñee añete vae oñemee ndeve Espíritu Santo oiko yandepɨa pe vae rupi.
15Reikuaa ma ko kërai opaete Asia pegua reta osɨrɨ chegüi. Kuae reta ipɨte pegua ko jae Figelo jare Hermógenes.
16YandeYa toiparareko Onesíforo jo pegua reta, echa jae jeta vese chemboyerovia, jare mbaetɨ imara opou vaerä chépɨri, yepe tëi aiko tembipɨɨrɨru pe.
17Añete ko, echa Roma pe ou oväe rupive, chereeka opaete kerupi cheväe regua.
18YandeYa tomee chupe iporoparareko jókuae ara, echa nde etei reikuaa katu kërai jeta yandemborɨ Efeso pe.
Who We AreWhat We EelieveWhat We Do
2025 by iamachristian.org,Inc All rights reserved.
