1Kuae ko jae mborookuai reta remeeta chupe reta vae:
2Pegua yave tembiokuai perëtara hebreo, ova año toyeokuai, ërei chiúa año pe toyeyora iya güi oyemboepɨmbae reve,
3ërei jaegüɨrai ou yave, jaegüɨrai toë ye, ou yave jembireko ndive toë jae ndive.
4Ërei oyeokuai chupe vae omee yave jembirekorä jare imembɨ chupe yave, kuña jare imembɨ reta toyogüɨreko oyeokuai chupe vae imbaerä; jókuae kuimbae toë jaegüɨrai.
5Ërei jókuae tembiokuai jei yave: “Che aɨu cheya, aɨu cherembireko jare chemichia reta, agüɨye tayera cheya güi;
6jayave oyeokuai chupe vae togüɨraja oporojäa vae reta jóvai, jare tomboyemboɨ öke-ɨpɨ pe ani ɨvɨra reta öke oï jese vae re toinambi mombu, jare toiko jembiokuairä jekuae avei pegua.”
7Kia nunga vae omee yave tayɨ tembiokuairä, jókuae kuña ngaraa oyera iya güi tembiokuai kuimbae reta rami.
8Jókuae iya mbaetɨ oipota jembirekorä güɨreko yave, toñemee chupe oyemboepɨ vaerä; ërei agüɨye tomee ketɨgua pe, yepe tëi güɨröɨro.
9Ërei omee taɨ jembirekorä yave, toyangareko jese tayɨ reta re rami.
10Güɨreko ye ambuae kuña chugüi yave, agüɨye tomboata chupe tembíu, temimonde; agüɨye toeyaiño, echa imenda ïru ko.
11Jare mbaetɨ etei kuae mboapɨ vae oyapo yave, kuae kuña toyera iya güi, agüɨye toyemboepɨ.
Mborookuai reta teko pɨ̈chɨi regua12Kia nunga vae oporombopere yave, jare omano yave jókuae ipere vae, tomano oporombopere vae.
17Jaeramiño vi tu jare ichɨ kotɨ jei ñee kavimbae vae, tomano.
18Jökorai vi oime yave kia nunga vae oñeraro japicha ndive jare ombopere yave ita pe ani püriete pe, jare jókuae mbaetɨ omano, ërei oitɨ jupa pe yave,
19opüa jare oguata ye ipopoka re yave, agüɨye tijeko jókuae oporonupa vae, jaeño toipoanouka jare tomboepɨ chupe jókuae iparavɨkɨ omokañɨtei vae.
20Kia nunga vae oinupa jembiokuai kuimbae ani jembiokuai kuña ɨvɨra pe jare omano ipo pe yave, toyemboeko.
21Ërei ngatu, oikoveño metei ani mbovɨ ara yave, agüɨye toyemboeko, echa jae ko iya, ipo pe ko oï.
22Oñoraro vae reta oipɨaka yave metei kuña ipurúa vae, jare jókuae kuña imembɨ okua yave, ërei mbaetɨ omano, jayave jókuae kuimbae tomboepɨ, kuña ime okovara chupe rupi, oporojäa vae reta jei rupi.
23Ërei jókuae kuña omano yave, jókuae tekove tomboepɨ jekove pe;
24tesa maratu yave, tomboepɨ tesa pe; täi maratu yave, tomboepɨ täi pe;Lv 24.19-20; Dt 19.21; Mt 5.38. ipo maratu yave, tomboepɨ ipo pe; ipɨ maratu yave, tomboepɨ ipɨ pe;
25oporoapɨ vae toyeapɨ vi, oporombopere vae tipere vi; japicha re okua vae, toiporara vi püriete.
26Kia nunga vae okua yave jembiokuai kuimbae ani jembiokuai kuña jesa re, jare güɨrokomegua yave toyora jesa oikomegua jeko pegua.
27Jembiokuai kuimbae ani jembiokuai kuña jäi oakɨo chugüi yave, jökorai vi toyora jäi oakɨo jeko pegua.
Mborookuai mɨmba pochɨ vae regua28Metei güeye oikutu yave, metei kuimbae ani metei kuña jare oyuka yave, jókuae güeye toyeyuka ita pe jare isoogüe agüɨye toyeu, ërei agüɨye toyemboeko jókuae güeye iya.
29Ërei jókuae güeye oporokutuñoi ko yave, jare iya pe oyemombeu tëi reve ma oyuka yave kuimbae ani kuña, jókuae güeye toyeyuka ita pe, jökorai vi tomano iya.
30Ërei oñemee yave chupe oyemboepɨ vaerä, jayave tomboepɨ jae omano äragüe oyekovara chupe rupi.
31Güeye oikutu yave kunumi raɨ ani kuñatai raɨ, kuae mborookuai jei rami etei vi toyeapo.
32Güeye oikutu yave, metei tembiokuai kuimbae ani tembiokuai kuña, güeye iya tomboepɨ jókuae tembiokuai iya pe treinta siclo korepoti, jare jókuae güeye toyeapi tomano ita pe.
33Kia nunga vae oipea oeya metei ɨkua yave, ani oyoo metei ɨrɨru jare oyokendambaeño oeya yave, jare oa pɨpe guaka ani mburika yave,
34jókuae ɨrɨru iya tomboepɨ mɨmba iya pe, jare mɨmba omanogüe topɨta jókuae ɨrɨru iya pe.
35Kia nunga vae igüeye oikutu yave, ïru vae igüeye jare omano yave, jayave tomee reta jókuae güeye oikove oï vae, jare jepɨgüe tomboyao oyoupe, jökoraiño vi tomboyao oyoupe güeye omanogüe isoo.
36Ërei jókuae güeye oporokutuñoi ko yave, jare iya oikuaa reve mbaetɨ oñapɨti yave, tomboekovia ye ïru güeye pe, jare jókuae güeye omanogüe topɨta chupe.
Who We AreWhat We EelieveWhat We Do
2025 by iamachristian.org,Inc All rights reserved.
