1Chemichia reta ichɨ reve oipɨɨ reta vi. Mburuvicha guasu ikɨ̈reɨ tëi vi omeeuka jou reta ipɨakotɨä reve jare ñenupa rupi kuchi isoo mborookuai oyopia vae.
2Chugüi reta metei, opaete vae jee re jei körai: “¿Mbae pa reipota reikuaa? Ore jaema ko roï mano ipo pe, oreäteɨ ramo ropia oreɨpɨ reta iporookuai güi.”
3Mburuvicha guasu iyarasɨ yae oendu yave kuae ñee, oñonouka yapepo guasu tata iárambo,
4jaema jaku ma yave oyasɨauka jókuae imiari vae ikü chugüi, omondorouka chugüi iñäka-pire jare oyasɨa ipɨ jare ipo reta, ichɨ jare ïru imembɨ reta jóvai.
5Opa ma oyeasɨa sɨa oï yave, mburuvicha guasu omboyauka reta tata kotɨ jare, jekove reveño oitɨ reta vaerä yapepo guasu pe, yapepo guasu mombɨrɨ rupi ma oñemoai oï jakuvogüe, ërei michia reta oñemoäta ngatu oyoupi jae ichɨ ndive, omano vaerä okɨɨyembae reve. Jei reta oyoupe:
6“Yanderu Tumpa omae oï yanderé, jae ko añetete iporoparareko oï yande ndive. Jáeramo ko Moisés iyemongoi rupi, oecha yave tëta imbaeyavɨ, jei: ‘YandeYa iporoparareko taɨ reta re.’ ”
7Jökorai omano tenondegua.
Joko güi güɨraja reta ye ïru ma manorenda kotɨ vaerä, jare opa ma yave omondoro reta chugüi iñäka-pire, oparandu chupe:
—¿Reuta pa kuae, agüɨye vaerä nderete opa oyasɨa sɨa ndegüi reta?
8Jae jei chupe reta:
—¡Ngaraaí ko!
Jaema etei oiporarauka ye chupe reta.
9Ërei jae, omanota ma oï yave jei:
—Oporoyuka vae, nde añave reekɨ reï orerekove. Ërei Mburuvicha guasu kuae ɨvɨ pegua oremoingove yeta roikove vaerä ore romano roï jembiokuai guasu re vae reta.
10Jókuae ñoete oendu chupe reta, jaema voi etei oiporarauka ye chupe mboapɨa ma, oparandu reta ye chupe yave, jae omoe iñee omopüa reve ipo,
11okɨɨyembae reve jei: “Tumpa omee cheve kuae tembiporu reta, jae iporookuai ambotenonde ramo, añave mbaetɨ etei ma aɨu, echa jae omee yeta ko cheve kuri.”
12Mburuvicha guasu ave iyɨvɨrigua reta ndive omopɨakañɨ kuae taɨrusu vae iñee, echa okɨɨyeä etei tembiporara güi.
13Kue omano ma yave, jókuae jaɨkuegua ma güeru reta ye tembiporaraa pe.
14Jae omanota ma oï yave jei: “Tamano mbɨa reta ipo rupi, aäro reve Tumpa oremoingove yeta vae. Ërei nde ko ngaraa ma repüa ye kuri tekove pe.”
15Jaema voi etei güeru reta ye pandepoa ma jare oiporarauka reta ye chupe reta.
16Jae, omae reve mburuvicha guasu re, jei: “Yepe ndipo nde ore ramiño tei, ërei oime renoi mbaepuere kuimbae reta re jare reyapo ndepɨa potaa. Ërei oreTumpa mbaetɨ ko orerëta oeya oï.
17Eäromiño räri, jaema reechata kërai jae opaete imbaepuere ndive oiporaraukata ndeve jare neñemuña reta pe.”
18Joko güi güeru reta ye ovaa ma, kuae omanota ma oï yave jei: “Agüɨye eyembopɨakatuiño eï, echa orereko ramo ko roiporara roï, oreyoa ramo oreTumpa kotɨ, jáeramo ou orerupi kuae teko ikavimbae vae.
19Ërei nde, reyovaicho Tumpa kotɨ vae, ngaraa reasayepe chugüi.”
20Ñanemopɨakañɨ vae jare ñaneakañɨ rapeä chugüi vae, jae ko ichɨ, echa jovakei chiu reve imembɨ reta opa omano metei ara peño, oñemomɨ̈rata tuicha iTumpa re oyeko ramo.
21Omoäta ngatu iñee pe mboroaɨu rupi metei ñavo imembɨ reta, jare iñeekuimbae reve iyemongeta rupi, jei chupe reta:
22“Mbaetɨ aikuaa ketɨ güi ko peyu cherɨe pe vae; cheä ko amee peve tekove, ani ramo perete ayapo.
23Kuae ɨvɨ guasu iyapoa ko, opaete mbae iyapoa vi, jae ko yandeapo iyɨpɨ güive. Jae iporoparareko rupi omee yeta peve tekove, echa pe reta mbaetɨ ko peyemongeta peï peyé aeño.”
24Antíoco ipɨa pe ko oyuvangaecha oï ikotɨ jare oikura vɨariecha güɨnoi. Echa ko taɨrusu vae ndeiño oyuka güɨnoi reta, jáeramo mburuvicha guasu omoñera jeta, jare oñererökuavee omee vaerä chupe jeta mbaeyekou, oñono vaerä vi ichëi reta ipɨte pe jare omee vaerä mbaravɨkɨ chupe, jae opia yave iyɨpɨ reta jembiokuai güi.
25Ërei jókuae taɨrusu vae mbaetɨ oipota. Jayave mburuvicha guasu oyókuai ojo vaerä ichɨ omoñera güɨroasayepe vaerä mano güi.
26Ɨma ngatu omoñera yae ramo, ojo ichɨ imembɨ imiari vaerä jae ndive,
27oñaɨvɨ ikotɨ jare oyóyai reve jei imembɨ pe iñee pe: “Chemembɨ michi, cheparareko, che ko chau yasɨ rogüɨreko cherɨe pe, jare rombokambu ko mboapɨ año, arakuaa rupi rombokuakuaa,
28jáeramo aiporu ndeve, chemembɨ emae ara re jare ɨvɨ re, eecha opaete pɨpe oï vae reta, opaete jókuae reta Tumpa oyapo ko mbae pöreɨ güi (agüɨye neakañɨ jókuae güi), yande jökoraiño vi yandeapo.
29Agüɨye ekɨɨye kuae ipɨapochɨ vae güi; eyapo vi nderɨkeɨ reta rami jare agüɨye ekɨɨye emano, Tumpa iporoparareko rupi che rogüɨnoi vaerä ara pe nderɨkeɨ reta ndive.”
30Ndei opa imiari mbove, kunumi jei: “¿Mbae pa peäro? Che mbaetɨ tai ko ayapo mburuvicha guasu iporookuai; che ko ayapo Tumpa iporookuai omee oreɨpɨ reta pe Moisés rupi vae.
31Jare nde, mburuvicha guasu, opaete judío reta pe reiporarauka reï vae, ngaraa reasayepe Tumpa ipo güi.
32Ore ko roiporara roï orereko rei,
33echa oreru Tumpa oikove vae orenupa oï orembosɨmbi vaerä jare michi peguaño ko iyarasɨ oï oreve, ërei iñɨ̈ro yeta ko taɨ reta pe kuri.
34Nde, ipɨapochɨ vae, jeta yae ma reporoyuka, agüɨye eyembotuichaiño eï, agüɨye vi Tumpa jembiokuai reta re repoko güiño ndepɨakatu eï,
35echa mbaetɨ ko reasayepe reï oreYa imbaepuere yeyé vae ipo güi, echa jae ndereecha oï.
36Cherɨkeɨ reta, jembiporara oasa ma, añave ovɨakatu ma ñogüɨnoi reta tekove iyapɨmbae vae Tumpa omee chupe vae ndive, ërei nde reñenupaukata ko Tumpa pe opaete kuae nderembiapo re.
37Che, cherɨkeɨ reta rami viko, amé cherete jare cherekove yande tenondegua reta iporookuaire, jare aiporu vi Tumpa pe järeaño oiparareko vaerä omae jëta ipo retare, jare tembiporara tuicha vae rupi ani ramo ñerupa rupi ou vaerä ndeve rere vaerä jae jaeñomai ko Tumpa.
38¡Jare topɨta cheré jare cherɨkeɨ retare Tumpa tuicha ete vae igarasɨ, ñanereta peguaraeño ou vae!”
39Iyarasɨ reve mburuvicha guasu, oyuvangauka iyé ramo, oasa ete yé oiporarauka tɨkeɨ reta güi chupe.
40Jökorai omano kuae kunumi raɨ, mbaetɨ ramo jou mbae ikɨagüe jare oyeko reve tuicha yandeYa kotɨ.
41Taɨkue ete, imembɨ reta jupíe, omano vi ichɨ.
42Kuae ndive romboapɨ kuae miari tembíu ikɨa vae regua jare tembiporara jasɨ katu vae oasa vae.
Who We AreWhat We EelieveWhat We Do
2025 by iamachristian.org,Inc All rights reserved.
