ÉXODO 34 - Guarani Bible with DC

Morogüɨrökuavee päve oyeapo pɨau ye(Dt 10.1-5)

1YandeYa jei Moisés pe:

—Emoïchɨi ndeyeupe mókoi ita ipe vae, tenondegua reta rami, jare che aikuatía vaerä jese jókuae opa reyoka vae reta re oyekuatía ñee reta oï vae.

2Eyupavo, pɨareve ndeimbove reyeupi vaerä ɨvɨtɨ Sinaí re, jare ekua eñeñono cheróvai ɨvɨtɨ iyapɨte re.

3Agüɨye metei kuimbae ave toyeupi nde ndive, agüɨye metei ave toyekuaa opaete ɨvɨtɨ rupi, vecha ani güeye ave agüɨye tokaru ɨvɨtɨ jóvai rupi.

4Jayave Moisés omoïchɨi mókoi ita ipe vae, tenondegua reta rami, jare opüa ndeimboveasɨ oyeupi ɨvɨtɨ Sinaí re, yandeYa oyókuai rami, jare ipo pe güɨraja jókuae mókoi ita ipe vae.

5Jare yandeYa ogüeyɨ metei amapɨtu re, jare oï joko pe Moisés ndive, oñeenɨi reve jee ae pe.

6YandeYa oasa jae jóvai rupi, oñeenɨi reve jee ae pe:

—¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

7Jeta ñemuña reta re iporoparareko vae, iñɨ̈ro ikavimbae iyapoa pe, ipɨarai vae pe, mbaeyoa iyapoa pe, ërei mbaetɨ oeya jekombae rami mbae pɨ̈chɨi iyapoa, echa ko iñemuñagüe reta imbaeyavɨ oiporarata taɨ reta, jɨmɨmino reta, jɨmɨmino taɨ reta jare jɨmɨmino reta jɨmɨmino.

8Jayave Moisés jarembae pegua oyetavatɨka itindɨasɨ ɨvɨ re, jare omboete yandeYa.

9Jare jei:

—Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

10Tumpa jei chupe: “Mase, che ayapo morogüɨrökuavee päve opaete vae jovake, jare ayapota mɨakañɨ reta mbaetɨ oyeapo ɨvɨ pe vae, metei tëtaguasu pe ave mbaetɨ oyeapo vae, jare che peYa jembiapo oechata opaete vae, nde reï ipɨte pe vae reta, echa mɨakañɨ tuicha yae ete vae ko che ayapota nde ndive.

Yeandu Canaán pegua tumpa-raanga reta güi(Dt 7.1-5)

11Peyapo che poyókuai añave vae; mase, che amoëta amombo perenonde güi amorreo reta, cananeo reta, heteo reta, ferezeo reta, heveo reta jare jebuseo reta.

12Agüɨye peyapo ñemoïru jókuae ɨvɨ peiketa pɨpe vae pe yogüɨreko vae reta ndive, agüɨye vaerä pemomoe jae reta jeko.

13Jɨmba oyuka oapɨ jese vae reta opa pemboai chugüi, opa peyoka mbae iä reta jare Asera iä reta.

14Agüɨye pemboete ïru tumpa, echa che peYa, jee ko Jägüɨro vae, Tumpa jägüɨro vae ko.

15Jáeramo agüɨye peyapo ñemoïru jókuae ɨvɨ pe yogüɨreko vae reta ndive, agüɨye vaerä pemboete itumpa reta, echa omee reta yave itumpa reta pe mbota, opareata peve peu vaerä mɨmba oyeyukagüe, itumpa reta pe omee vae;

16ani tayɨ reta omomenda yave peraɨ reta ndive, jókuae kuña reta omboete yave itumpa reta, omboeteukata vi ko peraɨ reta pe jae reta itumpa reta.

17Agüɨye peyapo peyeupe tumpa reta jiero oyemondɨkui oyeapo vae pegua.Arete reta año ñavo vae(Ex 23.14-19; Dt 16.1-17)

18Peyapo arete mbɨyape oyembovumbae pegua;

23Mboapɨ ye año pe, kuimbae reta nde ndive ñogüɨnoi vae toñeñono che peYa, Israel iTumpa jóvai.

24Echa che amoëta amombo tëtaguasu reta pepɨte güi, jare ambotuichata peɨvɨ; jare ngaraa metei ave opɨ̈ro peɨvɨ, peo yave peñeñono peYa Tumpa jóvai mboapɨ ye año pe.

25Agüɨye pemee mbɨyape oyembovugüe mɨmba oyeyukagüe jugüɨ ndive, agüɨye jembɨregüe peñovatu pɨareve peguarä mɨmba oyeyuka arete Pascua pe vae.

26Pembaagüɨyerɨpɨ ikavigüe peraja che peYa Tumpa jo pe.

Agüɨye kavara raɨ isoo pemboyɨ ichɨ ineche pe.”Moisés oikuatía mborookuai

27YandeYa jei Moisés pe: “Eikuatía kuae ñee reta, echa kuae ñee reta jei vae rupi, ayapo morogüɨrökuavee päve nde ndive jare Israel iñemuña reta ndive.”

28Moisés opɨta yandeYa ndive joko pe cuarenta ara jare cuarenta pɨ̈tu, okarumbae jare oɨumbae; jare oikuatía ita ipe vae re ñee reta morogüɨrökuavee päve pegua, payandepo mborookuai reta.

29Javoi Moisés ogüeyɨ ɨvɨtɨ Sinaí güi, güeru reve ipo pe jókuae mókoi ita ipe vae, mborookuai reta oyekuatía oï jese vae; ërei ɨvɨtɨ güi ogüeyɨ ou yave, Moisés mbaetɨ oikuaa jova jembipe ko vae, imiari güire Tumpa ndive.

30Aarón jare opaete Israel iñemuña reta omae yave Moisés re, oecha reta jova jembipe, jare okɨɨye reta oya jese.

31Jayave Moisés oenɨi reta; Aarón jare opaete Israel iñemuña juvicha reta oya jese, jare Moisés omomiari reta.

32Taɨkue rupi opaete Israel iñemuña reta oya jese, jare Moisés oyókuai reta opaete yandeYa jei chupe ɨvɨtɨ Sinaí re vae.

33Moisés opa yave imiari jae reta ndive, oyasoi jova äka-soya pe.

34Moisés ojo yave yandeYa ndive imiari vaerä, oekɨ iyeugüi jova iyasoía, oë ye regua. Oë ye yave omombeu Israel iñemuña reta pe yandeYa oyókuai vae.

35Israel iñemuña reta omae yave Moisés re, oecha reta jova jembipe, jare Moisés jekuae oñono ye jova re jókuae äka-soya, oike ye regua imiari Tumpa ndive.