1Korepoti pemboatɨgüe oporogüɨrovia vae reta peguarä vae re, jupiä ma aikuatía jese peve vaerä,
2echa kuae re chemiari pomboete reve Macedonia pegua reta pe. Jae chupe reta kërai año oasagüe güire ma pekɨ̈reɨ peporomborɨ, pe Acaya pe peiko vae reta. Jare ïru vae reta oikuaa pekɨ̈reɨ peporomborɨ vae yave, jae reta vi ikɨ̈reɨ.
3Jáeramo amondo yanderɨvɨ reta pépɨri, agüɨye vaerä oremiariiño pomboete reve kuae re, pemokätɨro voi vaerä penoi che jae rami;
4agüɨye vaerä güɨramoi amogüe Macedoniaɨgua reta yogüɨrajata cherupíe yave, peresapɨa jare oremara ropɨta. Jökoraiño vi pe reta pemarata.
5Jáeramo ayemongeta ikavi ko orerɨvɨ reta räri yogüɨraja vaerä pépɨri, jökorai jae reta ipuereta pemborɨ opa vaerä pemboatɨ korepoti tenonde ma peñererökuavee pemee vaerä vae. Jökorai, che aja pépɨri yave, oyekuaata pemee pepɨa kavi reve vae, mbaetɨ ore poyókuai ramoño.
6Pemaendúa kuae re: Mbovɨ yae omaetɨ vae, mbovɨ yae oarɨvota. Jeta omaetɨ vae jeta vi oarɨvota.
7Metei ñavo tomee, ipɨa pe oñono omee vaerä vae. Agüɨye tomee ipɨatɨtɨ reve ani che jae chupe güiño, echa Tumpa oaɨu oyerovia reve omee vae.
8Imbaepuere yae ko Tumpa omee vaerä peve jeta mbaembae ipɨa kavi jeko pegua, agüɨye vaerä mbae oata peve, jökorai pepuere vaerä peporomborɨ kavi opaete mbaembae pe.
9Oyekuatía oï rami:
“Omboyao mbae,
paravete vae reta pe;
ipɨakavi avei.”
10Tumpa ko omee temitɨ, omaetɨ vae pe; jare omee tembíu okaruIs 55.10. vae pe. Jae ko omeeta peve jare omoñemuñata peve peremitɨ reta, jeta peporomborɨ vaerä.
11Jökorai pe reta penoi vaerä jeta mbaembae, pepuere vaerä pemee pekɨ̈reɨ ngatu reve. Jare ore rogüɨraja yave ïru vae reta pe pemeeta vae, jae reta omeeta yasoropai Tumpa pe.
12Echa rogüɨraja kuae yemborɨ vae, mbaetɨ ko rogüɨraja mbae oata chupe vaeño, jókuae rupi oñemee vi jeta yasoropai Tumpa pe.
13Echa jókuae omboresive vae rupi omboete retata Tumpa, oecha retata kërai peyapo ko ñee ikavi vae Cristo regua vae. Omboete retata Tumpa pekɨ̈reɨ ngatu reve pemee chupe jare opaete peguarä vae re.
14Jökorai vi jae reta oyerureta peré peraɨu reve, Tumpa ipɨakavi oyekuaa peré vae re.
15¡Yasoropai Tumpa pe mbota tuichagüe yae yaupitɨ rapembae kërai ñanemiari jese vae omee yandeve vae re!
Who We AreWhat We EelieveWhat We Do
2025 by iamachristian.org,Inc All rights reserved.