1Korepoti oyemboatɨ oporogüɨroviaRo 15.25-26; 2 Co 8—9. vae peguarä vae peyapo Galacia pegua oporogüɨrovia vae reta ayókuai oyapo vaerä rami.
2Tenondegua ara semana iyɨpɨ ñavo pe, metei ñavo peñovatu penoi rupi; peñovatu, agüɨye vaerä pemboatɨ che aja yave ramo.
3Jare che aja aväe pépɨri yave, ameeta tupapire reta peiparavo vae reta pe güɨraja vaerä mbota pemeegüe Jerusalén pe.
4Jare jaekavi che vi aja vaerä yave, jae reta yogüɨrajata cherupíe.
Pablo iyemongeta reta5Jare che ajata pépɨri,Hch 19.21. Macedonia rupi aasa yave. Echa aasata ko Macedonia rupi.
6Jare güɨramoi apɨtata pe reta ndive. Güɨramoi apɨtata pépɨri amboasa opaete iroɨ guasu iara reta, pe reta chemborɨ vaerä aja ketɨ ajataa pe.
7Mbaetɨ aipota poecha michi peguaño, aipota apɨta pépɨri ɨma pegua, yandeYa oipota yave.
8Ërei apɨtata kuae Efeso pe PentecostésLv 23.15-21; Dt 16.9-11. ara ou oväe regua.
9Echa öke oyepea cheve ayapo vaerä yandeYa iparavɨkɨ, yepe tëi oime jeta oyovaichoHch 19.8-10. cheré vae.
10Ërei Timoteo1 Co 4.17. ojo oväe pépɨri yave, pemae kavi jese, ipɨagüive oï vaerä pepɨte pe, echa jae vi oparavɨkɨ yandeYa pe, che rami.
11Jáeramo agüɨye kia togüɨröɨro. Ërei outa yave chekotɨ, pemborɨ ou vaerä chekotɨ ipɨakatu reve echa aipota jae ou vaerä chépɨri ïru yanderɨvɨ reta jupíe.
12Tamombeu peve yanderɨvɨ Apolos. Chekɨ̈reɨ yae jae ojo vaerä tëi pépɨri ïru yanderɨvɨ reta jupíe, ërei añave rupi mbaetɨ oipota ojo. Ërei ojota ko jëgua chupe yave.
Tamaraeme reta13Peïndaivi, pepɨ̈rata peporogüɨrovia pe; peyembokuimbae, peñemoäta ngatu.
14Opaete mbae peyapo vae peyapo peporoaɨu reve.
15Cherɨvɨ reta, peikuaa ko Estéfanas1 Co 1.16. jo pegua reta räri güɨrovia Cristo re Acaya pe, jare kërai jae reta oñeñono oyeokuai vaerä ïru oporogüɨrovia vae reta pe.
16Jáeramo pomoñera peiko vaerä jókuae nunga reta jeia re, jare opaete oporomborɨ jare oparavɨkɨ yandeYa pe vae reta pe.
17Ayerovia Estéfanas jare Fortunato jare Acaico yogüeru chépɨri vae re, echa jae reta oyapo cheve ikavi vae perekovia pe,
18echa jae reta chemboyerovia jare pe reta vi pemboyerovia. Jáeramo ikavi ko pemboete kuae nunga reta.
19Oporogüɨrovia vae reta Asia pegua omondo peve tamaraeme. Aquila jare PriscilaHch 18.2. jare oporogüɨrovia vae reta oyemboatɨ jae reta jo pe vae omondo vi jeta tamaraeme peve yandeYa re.
20Opaete yanderɨvɨ reta omondo tamaraeme peve. Peyapo maraetei oyoupe peyovapɨte jare peyomboete reve kavi.
21Che Pablo aikuatía peve kuae tamaraeme chepo pe etei.
22Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!
23YandeYa Jesucristo ipɨakavi toï pe ndive.
24Cheporoaɨu toï pe ndive Cristo Jesús re. Amén.
Who We AreWhat We EelieveWhat We Do
2025 by iamachristian.org,Inc All rights reserved.
