1Josué omboatɨ opaete Israel iñemuña reta Siquem pe, oenɨi mburuvicha reta, tenondegua reta, oporojäa vae reta, jare kuimbae ñeraro regua juvicha reta jare oñeñono reta Tumpa jóvai.
2Jare Josué jei opaete vae pe:
—Körai jei yandeYa, Israel iTumpa: “Arakae ete, peñemuñagüe Taré,
Esaú pe amee ɨvɨtɨ Seir oiko vaerä joko pe,
14Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.
15Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.
16Jayave opaete vae jei:
—¡Ngaraa romboete ïru tumpa reta yandeYa güi!
17Echa yandeYa Tumpa ko orerenoe jare oreñemuñagüe reta ɨvɨ Egipto güi, yeokuaiasɨ katu güi, jeta mɨakañɨ tuichagüe yae ete oyapo oreróvai, oreangareko tape rupi, jare orereepɨ roasa yave jeta tëta reta ipɨte rupi.
18YandeYa ko güɨnoe omombo orerenonde güi opaete tëta reta, jare amorreo reta kuae ɨvɨ pe yogüɨreko vae. Ore royeokuaita vi yandeYa pe, echa jae ko oreTumpa.
19Ërei Josué jei chupe reta:
—Ngaraa pepuere peyeokuai yandeYa pe, echa jae ko Tumpa Iyoambae jare jägüɨro jembiparavo re vae; ngaraa güɨropɨa pepɨapochɨ reta jare peyoa reta.
20Pe pesɨrɨ yave yandeYa güi jare peyeokuai yave tumpa ambuae reta pe, jae oyapota ikavimbae vae peve jare opata pemokañɨtei jeta ma ikavi vae oyapo peve tëi reve.
21Jayave opaete vae jei Josué pe:
—Mbaetɨ ko jökorai. Ore royeokuaita ko yandeYa peño.
22Jayave Josué jei opaete vae pe:
—Pe retaño ko peikuaa peï, jókuae peiparavo yandeYa pe peyeokuai vaerä vae.
Jare jae reta jei:
—Jökoraita ko, ore toroikuaa kuae roe vae re.
23Josué jei chupe reta:
—Jayave pemombo peyeugüi opaete tumpa ambuae reta pepɨte pe oime penoi vae jare peyerova opaete pepɨa ndive yandeYa Israel iTumpa kotɨ.
24Jare opaete vae jei Josué pe:
—YandeYa Tumpa peño toroyeokuai jare toroyapo jae oreokuai vae.
25Jayave Josué oyapo morogüɨrökuavee päve opaete vae ndive jókuae ara voi Siquem pe jare omee chupe reta opaete mborookuai reta.
26Josué oikuatía jókuae ñee reta tupapire pe, Tumpa iporookuai reta oyekuatía ñogüɨnoia pe. Javoi oipɨɨ metei ita tuicha vae jare oñono ɨvɨra encina igüɨ pe, yandeYa iyemboetea iyɨpɨ pe oï vae pe,
27javoi jei opaete vae pe:
—Kuae ita toiko yandemomaendúa vaerä echa oendu rami ko opaete ñee reta yandeYa ñanemomiari vae. Toiko pemomaendúa vaerä, agüɨye vaerä peapu peTumpa pe.
28Jaɨkue rupi Josué omondo opaete vae metei ñavo iɨvɨ ae ae kotɨ.
Josué imano(Jue 2.6-10)29Kuaekuae oasa güire Josué, Nun taɨ omano, yandeYa jembiokuai, ciento diez año güɨnoi yave.
30Oñotɨ reta iɨvɨ ae pe, Timnat-sera pe,Jos 19.49-50. ɨvɨtɨ Efraín re oï vae pe, ɨvɨtɨ Gaas güi ɨvɨtuguasu kotɨ.
31Israel iñemuña reta oyeokuai yandeYa pe, Josué oikove oiko ramboeve jae reta ndive, jare jaɨkue rupi opaete ndechi reta Josué güi ɨma yogüɨreko vae reta, oikuaa opaete yandeYa oyapo mbaembae Israel iñemuña reta ndive vae.
Israel iñemuña reta oñotɨ José jetegüe32Israel iñemuña reta oñotɨ Siquem pe José jetegüe, Egipto güi güeru reta vae,Gn 50.24-25; Ex 13.19. Jacob ogua ɨvɨ Hamor iñemuña reta güi cien reare korepoti pegua pe,Gn 33.19; Jn 4.5; Hch 7.16. Siquem tu güi; jókuae opɨta José iñemuña reta imbaerä.
Eleazar imano33Omano vi Eleazar, Aarón taɨ, jare oñotɨ reta taɨ Finees iɨvɨtɨ re, ɨvɨtɨ Efraín re oñemee chupe reta vae pe.
Who We AreWhat We EelieveWhat We Do
2025 by iamachristian.org,Inc All rights reserved.
