1CheYa, ¿maera pa mombɨrɨ reï?
¿Maera pa reñemi tembiporara iara pe?
2Jeko kavimbae ipɨayemboete reve omoña paravete vae.
Ërei iyemongeta kavimbae pe aeño oa yeta kuri.
3Echa jeko kavimbae oyemboete ipɨa jemimbota reño,
imbaepotarai vae iñee kaviä, jare nereröɨro cheYa.
4Jeko kavimbae, ipɨayemboete yae jeko pegua mbaetɨ ndereeka cheRu Tumpa;
mbaetɨ oipoɨu ndegüi.
5Oyapogüe oë kavi avei chupe.
Neporojäa reta güi oñemoakañɨ etei ko;
omotareɨ opaete jovaicho reta.
6Ipɨa pe jei: “¡Ngaraai chemomɨi vae!
¡Ngaraai asusere!”
7Iyuru tɨnɨe oï ñee ikavimbae pe, mborombotavɨ reta pe;
iyuru pe oime yuvanga katu jare ikavimbae.
8Okätɨro köiño tëta raɨ reta güi,
oñemi oï, oyuka jekombae reta,
osareko etei ipuere potambae vae re.
9Oñemi okätɨro yaguapope ikua pe oï rami,
okätɨro paravete vae re,
oipɨɨ yave, güɨraja iñuai pe.
10Opoñɨ jare ipe ipe,
jare oa ipo pe ipuere potambae oyeepɨ vae reta.
11Ipɨa pe jei: “¡Tumpa iñakañɨ chegüi!
¡Oñomi jova ngaraa chereecha!”
12¡Epüa cheYa Tumpa, eupi ndepo!
¡Agüɨye neakañɨ paravete vae reta güi!
13Jeko kavimbae, ¿maera pa nemotareɨ Tumpa?
Ipɨa pe jei: “¡Nde ngaraa rejäa vae!”
14Nde reecha ko; echa remae
jembiapo re jare iyuvanga katu re,
¡nde etei remee vaerä chupe jembiapo jekovia!
Nderé oyemboya iyangarekoambae oiko vae.
Nde ko jae tɨ̈reɨ omborɨ vae.
15Eiyɨva rakɨo jupimbae vae.
Eaɨkuemoña jeko kavimbae jeko opa remokañɨ regua.
16YandeYa jae ko Mburuvicha guasu opambae vae jare jekuae avei vae.
¡Iɨvɨ güi opa okañɨtei tëtaguasu reta!
17CheYa, ¡nde reendu oñemomichi vae reta iyerure!
Nde remoäta ngatu jare reyeapɨsaka jese reta.
18Reyapo jupi vae tɨ̈reɨ pe jare oiporara vae pe,
agüɨye vaerä mo oporogüɨrekoasɨ katu kuimbae ɨvɨ pegua reta.
Who We AreWhat We EelieveWhat We Do
2025 by iamachristian.org,Inc All rights reserved.
