1Oyerovia ko kuimbae,
mbaetɨ oiko jeko kavimbae reta iporomboarakuaa rupi vae,
mbaetɨ oiko iyoa vae reta jeko rupi vae,
mbaetɨ oguapɨ Tumpa kotɨ mbae jei reve oyóyai vae reta ndive vae,
2jaeño oñono ipɨa yandeYa iporookuai re vae,
jeseño oyemongeta ara rupi jare pɨ̈tu yave vae.
3Jókuae nunga kuimbae ko metei
ɨvɨra ɨ̈aka jembeɨ pe oï vae rami,
ia iara oväe yave ia,
jokɨ katu avei, mbaetɨ jo osururu.
¡Opaete mbaembae oyapogüe oë kavi chupe!
4Ërei iyoa vae reta mbaetɨ jökorai,
mbae javiyugüe ɨvɨtu güɨroveve vae rami.
5Jáeramo iyoa vae reta mbaetɨta güɨropɨa morojäa iara pe;
jare ngaraa ñogüɨnoi, jupi Tumpa jóvai vae reta ipɨte pe.
6YandeYa oyangareko jupi rupi yogüɨreko vae reta re;
ërei mbaeyoa rupi yogüɨreko vae reta okañɨteita.
Who We AreWhat We EelieveWhat We Do
2025 by iamachristian.org,Inc All rights reserved.
