JUECES 6 - Guarani Bible with DC

Tumpa oenɨi Gedeón

1Jare Israel iñemuña reta oyapo ikavimbae yandeYa jesa róvai; jare yandeYa omee reta Madián iñemuña reta ipo pe chiu año rupi.

2Jare Madián iñemuña reta güɨrekoasɨ katu yae Israel iñemuña reta jeko pegua, opa yogüɨraja oyapo iyeupe oñemi reta vaerä ɨvɨkua rupi, ɨvɨtɨ rupi jare jëguambaea rupi.

3Echa Israel iñemuña reta jemitɨ oime ñavo, Madián iñemuña reta, amalecita reta jare kuaraɨ oëa kotɨgua reta yogüeru oporepeña jese reta.

4Oyembojeyupa reta Israel iñemuña reta iɨvɨ pe jare güɨrokomegua reta chugüi jemitɨ, kuae ojoi oya ɨvɨ Gaza re, oeyambae reve Israel iñemuña reta pe mbae ave jou reta vaerä, vecha ave ani güeye reta ave ani mburika reta yepe.

5Echa jo guakapi pegua jare jɨmba reve reve yogüeru opa omboai ɨvɨ pegua mbaembae. Yogüeru jeta icamello ndive tuku ou opa mbae omokañɨtei rami.

6Madián iñemuña reta jeko pegua Israel iñemuña reta oiporara yae karuai, jáeramo jae reta oyerure yandeYa pe mbɨatɨtɨ reve.

7Israel iñemuña reta oyerure ma yandeYa pe yave, oyora Madián iñemuña reta ipo güi.

8YandeYa ombou metei ñeemombeúa Israel iñemuña reta pe, jare jei chupe reta: “Körai jei yandeYa Israel iñemuña reta iTumpa: ‘Che ko pogüɨnoe ɨvɨ Egipto güi yeokuaiasɨ katu güi,

9ërei mbaetɨ poyora Egiptoɨgua reta güiño, poyora vi opaete oiporarauka peve vae reta ipo güi. Opa anoe amombo reta perenonde güi jare iɨvɨ amee peve.

10Jare jae ko peve reta, che ko jae peYa Tumpa, agüɨye pekɨɨye amorreo reta itumpa reta güi iɨvɨ pe añave peï vae; ërei pe reta mbaetɨ peyapo che jaegüe.’ ”

11Jare yandeYa iaraɨgua ou oguapɨ ɨvɨra encina Ofra pe oï vae igüɨ pe, jae ko Joás Abiezer iñemuña imbae. Gedeón, kuae oimeño Ofra pe, Abiezer iñemuña reta jëta pe.

25Jókuae pɨ̈tu voi yandeYa jei Gedeón pe:

—Eipɨɨ metei toro nderu jɨmba güi, toro mokoía chiu año vae, jare opa emboai Baal pegua mɨmba oyeyuka oyeapɨ jese vae nderu imbae jare eyasɨa vi Asera iä oï jae ndive vae,

26jare ɨvatea pe emopüa che ndeYa Tumpa peguarä mɨmba oyeyuka oyeapɨ jese vae. Eipɨɨ jókuae toro jare emee cheve mɨmba oyeyuka opaetei oyeapɨ vae, reiporu reve yepearä jókuae Asera iä opa reyasɨa vae.

27Jayave Gedeón güɨraja payandepo jembiokuai kuimbae, jare oyapo yandeYa oyókuai rami. Ërei okɨɨye tu jëtara güi jare tëta pegua reta güi jeko pegua, oyapo pɨ̈tu yave.

28Ndeimbove yave tëta pegua reta oecha Baal pegua mɨmba oyeyuka oyeapɨ jese vae opa oyemboai jare iyɨpɨ pegua Asera iä opa oyeasɨa, jare toro mokoía oñemee mɨmba oyeyukagüe opaetei oyeapɨ vae, ipɨau mɨmba oyeyuka oyeapɨ jese vae re.

29Metei ñavo oparandu reta oyoupe: “¿Kia pa kuae oyapo?”

Jare oipota rupi oparandu reta güire oikuaa reta Gedeón, Joás taɨ ko oyapo vae, jare yogüɨraja jei Joás pe:

30—Enoe nderaɨ ikatu pe royuka vaerä. ¡Jae opa omboai Baal pegua mɨmba oyeyuka oyeapɨ jese vae jare oyasɨa Asera iä oï iyɨpɨ pe vae!

31Ërei Joás jei jókuae yogüeru vae reta pe:

—¿Peepɨta pa Baal, jare peñerarota pa jese? ¡Kia ñavo oepɨ Baal vae tomano kuae ndeimbove voi! Baal Tumpa ko yave, pemaeño toyeepɨ jókuae kuimbae opa omboai mɨmba oyeyuka oyeapɨ jese vae güi.

32Jayave güive ombojee reta Gedeón Jerobaal pe, jae ko: “Baal toyeepɨ chugüi”, echa Gedeón opa omboai Baal peguarä mɨmba oyeyuka oyeapɨ jese vae.

33Jayave opaete Madián iñemuña reta jare amalecita reta jare kuaraɨ oëa kotɨgua reta oyomboatɨ jare oasa reta ɨ̈aka Jordán, jare oyembojeyupa reta ɨvɨtɨ päu ipe kavi vae Jezreel pe.

34Jayave, yandeYa iEspíritu ou Gedeón re jare jae omoñee mimbɨ vecha kuimbae-räti yave Abiezer iñemuña reta oyomboatɨ jae ndive.

35Jare omondo ñee jerajaa reta opaete Manasés iñemuña reta pe, jare jae reta vi oyomboatɨ jae ndive; jökoraiño vi omondo ñee jerajaa reta Aser, Zabulón jare Neftalí iñemuña reta pe, jare jae reta oë oövaiti.

36Jare Gedeón jei Tumpa pe: “Añetete che rupi reepɨta Israel iñemuña reta rere cheve rami yave,

37ko añave añonota vecharaagüe trigo oyembopiriría pe; jare ndeimbove ɨsápɨi oï vecharaagüe reño yave, jare opaete ɨvɨ otini yave, aikuaata reepɨta ko Israel iñemuña reta che rupi vae, rere rami.”

38Jare jökorai oasa, echa ndeimbove opüa yave oitɨami vecharaagüe jare oekɨ chugüi ɨsápɨi, metei tasa guasu tɨnɨe.

39Ërei Gedeón jei Tumpa pe: “Agüɨye ndearasɨ chekotɨ, jekuae amoë ye cheñee yave; jaeño aipota aikuaa kavi ye vecharaagüe rupi. Romoñera jaeño vecharaagüe otini vaerä opɨta, jare ɨvɨ re toï ɨsápɨi.”

40Jare jókuae pɨ̈tu Tumpa oyapo jökorai; vecharaagüeño otini opɨta, jare opaete ɨvɨ re oime ɨsápɨi.