DEUTERONOMIO 6 - Guarani Bible with DC

Mborookuai tuichagüe

1Kuae ko jae mborookuai reta yandeYa Tumpa cheokuai pomboe vaerä vae, peyapo vaerä jókuae ɨvɨ pepɨ̈rota peñemoëta pɨpe vae pe.

2Peipoɨu vaerä yandeYa Tumpa güi, peiko vaerä opaete iporookuai reta che poyókuai jese vae rupi; pe, peraɨ, perɨmɨmino, opaete ara peiko rambueve peiko puku vaerä.

3Pe, Israel iñemuña reta, peendu peyeupe, peyeandu avei agüɨye vaerä peakañɨ peyapo, peiko kavi vaerä jókuae ɨvɨ kavi pe, peñemuña vaerä jeta, yandeYa, peñemuñagüe reta iTumpa güɨrökuavee peve rami.

4Peendu Israel iñemuña reta: YandeYa Tumpa, meteiño ko.

5Peaɨu peYa Tumpa opaete pepɨa ndive, opaete perekove ndive, jare opaete pepɨ̈rata ndive.

6Kuae ñee reta che poyókuai añave vae, toï pepɨa pe;

7jare pemboaɨkuere yeta pere peraɨ reta pe, pemiarita jese peï pero pe yave, tape rupi peguata peiko yave, peyapakuata yave jare pepüa ye yave.

8Jare ikañɨmaa vaerä peñapɨtita pepoapɨ re jare peresɨva re, pemomaendúa avei vaerä;

9jare peikuatiata pero pe okɨta reta re, jare peröke re.Yemboarakuaa reta mborookuai jei vae oyeapo avei vaerä

10YandeYa Tumpa pereroike ma yave ɨvɨ güɨrökuavee peñemuñagüe Abraham,Gn 12.7. IsaacGn 26.3. jare JacobGn 28.13. pe vae pe; omee vaerä peve tëta guasu tuichagüe jare ikavi yae vae, pe mbaetɨ peyapo vae;

11o tɨnɨe jeta mbaembae pe vae, pe mbaetɨ pemotɨnɨe vae, jare ɨrɨru oyeyoogüe, peyoombae vae, jare uvarupa jare ɨvɨra olivorupa pe peñotɨmbae vae, jare peu ma jare perɨ̈vɨata ma yave,

12peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

13YandeYa Tumpa güi peipoɨu, chupeño peyeokuai,Mt 4.10; Lc 4.8. jae jee reño opaete mbae peyapo.

14Agüɨye pemboete tumpa ambuae vae reta, tëta reta peɨpɨ rupigua itumpa reta,

15echa yandeYa Tumpa, jae ko Tumpa jägüɨro vae, oime oï pepɨte pe; ipuere iyarasɨ pekotɨ, jare pemboai ɨvɨ iárambo güi.

16Agüɨye pejäa yandeYa TumpaMt 4.7; Lc 4.12. ipɨaguasu, ñuu MasahEx 17.1-7. pe pejäa rami.

17Peñovatu peyeandu reve kavi yandeYa Tumpa oyapogüe reta jare iporookuai reta peokuai jese vae.

18Jare peyapo sɨmbi vae jare ikavi vae yandeYa jesa róvai, peiko kavi vaerä, jare peike penoi vaerä jókuae ɨvɨ kavi yandeYa güɨrökuavee jee re peñemuñagüe reta pe vae;

19jae omoë vaerä omombo perovaicho reta perenonde güi, yandeYa jei rami.

20Metei ara peraɨ reta oparandu yave peve: ‘¿Mbae pa oipota jei oporomomaendúa vae jare opaete kuae mborookuai reta yandeYa Tumpa peokuai vae?’

21Jayave pe pereta peraɨ reta pe: ‘Ore roikose Egipto pe Faraón jembiokuairä, jare yandeYa orerenoe Egipto güi imbaepuere pe.

22YandeYa oyapo mɨakañɨ tuichagüe jare yavaetegüe Egipto pe, Faraón re jare jëta pegua reta re orerovake.

23Jare orerenoe joko güi, orereru omee oreve kuae ɨvɨ güɨrökuavee jae jee re ñaneñemuñagüe reta pe vae.

24Jare yandeYa oreokuai royapo vaerä opaete kuae mborookuai reta, roipoɨu vaerä yandeYa Tumpa güi, roiko kavi vaerä opaete ara rupi jare oreövatu vaerä añave rami.

25Royapo yave opaete yandeYa Tumpa oreokuai vae jae omae kavita oreré.’