1Romboeteta cheYa,
opaete chepɨa ndive
chemiarita mɨakañɨ reta reyapogüe re.
2CheYa Tuichagüe yae vae,
¡ayerovia yae jare ayekou yae nderé!
¡Atairarita nderee re!
3Cherovaicho reta otekuarai ndegüi,
oyepɨaka reta jare omano reta nderóvai.
4Echa reyapo cheve jupi vae jare chereepɨ,
reguapɨ ndeguapɨa pe, reporojäa jupi rupi.
5Reiporarauka tëtaguasu reta pe,
jeko pɨ̈chɨi vae opa remokañɨtei,
¡opaetei remokañɨtei jekuae avei pegua!
6Tovaicho reta omano,
jëta guasu reta opa oyemboai chugüi reta,
nde opa remboai,
mbaetɨ etei mbae yepe opɨta, kia imaendúa vaerä jese reta.
7Ërei cheYa ko mburuvicha jekuae avei vae,
oñono iguapɨa oporojäa vaerä.
8Jae oporojäata ɨvɨ re jupi rupi,
jare tëta reta re isɨmbi rupi.
9YandeYa oyangarekota paravete vae re,
jese oñepɨ̈rota paravete vae mbɨatɨtɨ iara pe.
10CheYa Tumpa,
nderé oyekota ndekuaa vae reta,
echa mbaetɨ reeya ndereeka vae reta.
11Sión pegua reta,
petairari yandeYa pe;
pemoërakua tëta reta pe jembiapo re.
12Echa Tumpa mbaetɨ iñakañɨ oporoyuka vae reta güi,
mbaetɨ iñakañɨ oiporara vae reta isapúkai güi.
13Cheparareko cheYa,
emae kërai oiporarauka cheve chemotareɨ vae reta.
¡Cherenoe kuae mano ipo güi!
14Chemiari vaerä ndeño ipuere ndemboete vae.
Tëta guasu Sión jöke pe amoërakuata.
Ayerovia, echa nde chereroasayepe.
15Tëtaguasu reta opa oa,
jae reta oyoo ɨvɨkua vae pe,
jae reta ñuai oñono vae pe oa.
16YandeYa oyekuaauka chupe reta.
¡Jae oyapo jupi vae!
Jeko pɨ̈chɨi vae reta opa oyepɨɨ,
jae reta ñuai oyapo vae pe yeño oa reta.
17Jeko pɨ̈chɨi vae reta,
opaete vae iñakañɨ Tumpa güi vae,
oyererajaukata omanogüe reta ñogüɨnoia pe.
18Ërei ngaraa iñakañɨ paravete vae reta güi,
ngaraa vi paravete vae reta oiporara avei yogüɨreko.
19Epüa, cheYa,
agüɨye emaeño kuimbae reta toyembotuicha.
¡Ejäa tëtaguasu reta!
20Eiämondo reta cheYa,
¡toikuaa jae reta kuimbaeño ko vae!
Who We AreWhat We EelieveWhat We Do
2025 by iamachristian.org,Inc All rights reserved.
