1Jókuae ara Débora jare Barac, Abinoam taɨ otairari reta körai, jei reve:
2“Opaete vae tomboete yandeYa,
echa oime vɨteri Israel pe mburuvicha reta oïndaivi ñeraro peguarä vae;
echa oime vɨteri opaete vae ipɨte pe ikɨ̈reɨ ojo ñeraro pe vae.
3¡Mburuvicha guasu reta, peendu cheve!
¡Mburuvicha reta peyeapɨsaka!
¡Che atairarita yandeYa pe!
¡Che atairarita Israel iTumpa pe!
4CheYa Tumpa, reë yave tëta Seir güi;
reo Edom pegua reta iɨvɨ rupi yave,
ɨvɨ jare ara okana,
amapɨtu reta oitɨ ama.
5CheYa Tumpa, nderóvai okana ɨvɨtɨ guasu reta;
ɨvɨtɨ SinaíEx 19.18; Sal 68.7-8. okana Israel iTumpa jóvai.
6Samgar,Jue 3.31. Anat taɨ iara pe, jare Jael iara pe,
oguata vae reta oeya jape, oguata jupi vae,
jare oguata reta tape ikavimbaea rupi;
7tëta raɨ reta Israel pegua opa oyemombo opɨta.
Jayave che apüa.
¡Che, Débora, metei kuña Israel iñemuña pegua ichɨ!
8Oiparavo reta iyeupe ipɨau tumpa-raanga reta yave,
oime avei ñeraro tëta guasu pe.
Mbaetɨ oyekuaa yeopiaka
ani mii yepe cuarenta mil Israel ñemuña reta ipɨte pe.
9¡Chepɨa oï Israel iñemuña juvicha reta re,
cherëtaɨgua reta ikɨ̈reɨ yogüɨraja ñeraro pe vae reta re!
¡Opaete vae tomboete yandeYa!
10Pe reta, pepo mburika kuña tïi vae re vae;
jare peguapɨ peporojäa vae,
jare pe reta peguata vae, pemoërakua.
11¡Mɨmba reta iɨgua rɨru reta oïa pe,
jare platillo reta ipu ndive
pemoërakua yandeYa oporomoamɨri vae
jare tëta raɨ reta oporomoamɨri Israel pe vae!
Jayave yogüeruta imbae vae reta öke reta kotɨ.
12¡Epa, Débora, epa jare etairari!
¡Jare nde Barac, Abinoam taɨ,
epüa jare eraja ndeyeupe reipɨɨgüe reta!
13Jayave Israel iñemuña reta ogüeyɨ,
oñeraro jëia yae vae reta ndive;
yandeYa jee re ogüeyɨ oñeraro vaerä,
kuimbae reta ñeraro regua ndive.
14Efraín iñemuña reta güi Amalec pe yogüɨreko vae
amogüe kuimbae reta ogüeyɨ,
jaɨkue yogüeru Benjamín iñemuña reta.
Maquir iñemuña reta güi ogüeyɨ vi mburuvicha reta,
Jökoraiño vi Zabulón iñemuña juvicha reta.
15Isacar iñemuña reta juvicha reta
yogüɨraja vi Débora jupíe,
Isacar ojo vi Barac rami,
echa ojo jupíe ɨvɨtɨ päu pe.
Rubén iñemuña reta ipɨte pe
oime tëi ñogüɨnoi ipɨa-kɨ̈reɨ ngatu vae reta.
16¿Maera pa opɨta reta vecha rókai pe,
oendu reta vaerä vecha iyangarekoa reta jemimbɨ ñee?
¡Rubén iñemuña reta ipɨte pe jeta kuimbae okɨɨye yae vae!
17Galaad opɨta ɨ̈aka Jordán jovaicho pe;
Dan iñemuña reta opɨta barco reta oimea pe,
jare Aser iñemuña opɨta ɨguasu jembeɨ pe,
jare mbaetɨ omɨi barco reta oë oua güi,
18ërei Zabulón jare Neftalí iñemuña reta ɨvɨtɨ rupi,
omoëgua reta jekove mano pe.
19Jayave mburuvicha guasu reta yogüeru oñeraro,
Taanac pe oñeraro mburuvicha guasu reta Canaán pegua,
ɨupa Meguido pegua iyɨpɨ pe,
ërei mbaetɨ opɨ̈ro reta korepoti yepe, ani mbaeyekou.
20Ara güi yasɨtata reta oñeraro,
jókuae oïa güi oñoraro rami Sísara ndive;
21ɨesaɨ, ɨesaɨ ñɨma yae vae,
ɨesaɨ Cisón pegua opaetei reporomboai.
¡Nde repɨ̈ro imbaepuere yae vae reta iyaseo re!
22¡Kavayu reta ipɨ oyeendu!
¡Jókuae jëia vae reta ikavayu isɨrɨkɨ osɨi vae reta!
23Jare yandeYa iaraɨgua omoërakua:
‘¡Yepopeyu toï tëta Meroz re jare pɨpe yogüɨreko vae reta re!’
Echa mbaetɨ yogüeru omborɨ yandeYa, imbaepuere yae vae reta kotɨ.
24¡Jael, eyekou neïru kuña reta ipɨte pe;
nde, ceneo Heber jembireko!
¡Eyekou o guakapi pegua pe kuña reta ipɨte pe!
25Sísara oiporu ɨ jou vaerä,
ërei Jael omee jou neche.
¡Ikavigüe kaua pe omee jou neche kɨra!
26Etaka oipɨɨ iyasu kotɨ jare iyakatu kotɨ martillo,
Sísara iñäka re okua,
oasa iñäka-ɨke etaka pe.
27Sísara oyeapa Jael igüɨ pe;
oyepoka, joko pe omano.
28Sísara ichɨ oyemoambeko,
omae ventana rupi, jare jei:
‘¿Maera ra ikäretou mbaetɨño ou oväe?
¿Maera ra ikäretou ñeraro pegua ou raiviä?’
29Jembiokuai kuña reta yarakuaa katu vae jei chupe,
jare jókuae etei jei vi iyeupe:
30‘Güɨramoi oime omboyao ñogüɨnoi oyoupe ñeraro pe opɨ̈rogüe.
Metei ani mókoi tembipɨɨ kuñatai,
ñeraro regua peguarä ñavo;
Sísara peguarä temimonde ipïra kavi vae;
metei ani mókoi,
oporomoamɨri vae iyayu reguarä jeta ipïra vae.
Oporomoamɨri vae reta juvicha reta peguarä temimonde jeta ipïra vae.’
31¡Jökorai tokañɨtei opaete nderovaicho reta cheYa Tumpa,
jare nderaɨu vae reta tijembipeasɨ,
kuaraɨ jembipeasɨ rami!”
Jókuae jaɨkue rupi oiko mbɨakatu jókuae ɨvɨ pe cuarenta año.
Who We AreWhat We EelieveWhat We Do
2025 by iamachristian.org,Inc All rights reserved.
