1Tumpa imbaepuere chereupi jare chereraja tupao jöke kuaraɨ oëa kotɨgua pe. Joko pe ñogüɨnoi veinticinco kuimbae. Jókuae reta ipɨte pe aecha mburuvicha reta tëta pegua, jae ko Jaazanías, Azur taɨ jare Pelatías, Benaía taɨ.
2YandeYa jei cheve: “Nde kuimbae, jae ko kuae kuimbae reta iyemongeta ikavimbae vae, jae reta ko omboarakuaa kaviä tëta pegua reta.
3Jei reta: ‘Ndei ko ɨma ñamopüa pɨau ye kuae tëta. Kuae tëta toï yandeve yapepo rami, jare yande reta soo rami japɨpe pe.’Ez 24.1-14.
4Jáeramo, nde kuimbae, emoërakua ikotɨ reta maratuta oasa reta vae.”
5YandeYa imbaepuere ou cheré, jare cheokuai jae vaerä körai: “YandeYa jei körai: ‘Pe Israel iñemuña reta, aikuaa katu mbae pere vae. Che aikuaa katu peyemongeta reta.
6Pe reta jeta peporoyuka kuae tëta guasu pe, pekaye reta pemotɨnɨe tëogüe pe.
7Jáeramo, yandeYa Tumpa jei körai pekotɨ: Jerusalén oïta metei yapepo rami, ërei pe reta mbaetɨta peï soorä, peyukagüe reta oïta soorä; ërei pe reta pogüɨnoeta jókuae yapepo güi.
8Pe reta pekɨɨye ñeraro güi. Ërei ambouta ñeraro peve reta. Che peYa ko jae kuae.
9Aiporaraukata pereko re peve: Pogüɨnoeta kuae tëta guasu güi, jare pomeeta ketɨgua reta ipo pe.
10Ñeraro pe pemanota. Che pojäata kuae ɨvɨ Israel japɨpe pe, jayave pe reta chekuaata che ko jae peYa vae.
11Tëta guasu ngaraa oï peve yapeporä, ani pe reta ngaraa peï japɨpe pe soorä; che pojäata kuae ɨvɨ Israel japɨpe pe.
12Jayave pe reta chekuaata che ko jae peYa vae. Pe reta mbaetɨ peiko cheporookuai rupi, mbaetɨ peyapo, ërei pemomoe tëtaguasu reta peɨ́vɨri yogüɨreko vae jeko.’ ”
13Chemiari aï ramboeve yandeYa jee re, Pelatías, Benaía taɨ omanoɨvɨ. Jayave ayetavatɨka chetindɨasɨ reve ɨvɨ re, jare asapúkai täta jae: “¡Atataɨ cheYa! ¿Opata pa remokañɨtei Israel pe jembɨregüe reta?”
Tumpa omombeu ipɨau morogüɨrökuavee14YandeYa jei cheve:
15“Nde kuimbae, Jerusalén pe yogüɨreko vae reta imiari jëtara Israel iñemuña reta kotɨ, jei reta: ‘¡Jae reta mombɨrɨ ko ñogüɨnoi yandeYa güi! Ërei yandeve omee kuae ɨvɨ, yaiko vaerä iyarä.’
16Jáeramo ere chupe reta: ‘Körai jei yandeYa Tumpa: Che opa anoe amombo jare opa amoai moai reta mombɨrɨ ïru tëtaguasu reta oikuaambaea rupi, ërei jeseve che etei aikota chupe reta omboete reta vaerä, ïru ɨvɨ pe yogüɨreko ramboeve.’
17Jáeramo ere chupe reta: ‘Körai jei yandeYa Tumpa: Che ko aru ye retata ïru ɨvɨ güi, jare amboatɨ reta yeta opaete ïru tëtaguasu reta rupi amoai moaia güi, jare ameeta chupe reta ɨvɨ Israel.
18Yogüeru reta ye yave iɨvɨ pe, oekɨta jókuae ɨvɨ güi tumpa-raanga reta imboete, jare opaete mbae ikavimbae oyapo reta Tumpa jóvai vae.
19Aekɨta chugüi reta ipɨatäta ita rami vae, jare ameeta chupe reta ipɨarä ipɨau kavi vae jare yemongeta ipɨau vae.Sal 51.10.
20Yogüɨreko reta vaerä cheporookuai reta rupi, jare oyapo retata mborookuai jei vae. Jae reta yogüɨrekota chembaerä jare che aikota iTumparä.Ez 36.26-28.
21Ërei jókuae jekuaeño ipɨa pe itumpa-raanga pota vae ani oyemongeta ikavimbae vae re vae, aiporaraukata chupe jeko ae re. Che peYa ko jae kuae.’ ”
YandeYa iyemboetea oyembosɨrɨ Jerusalén güi22Javoi mbae reta oyemboɨvate, jaeramiño vi ruera reta jae reta ndive. Jayave Israel iTumpa iyemboetea oï jae reta iárambo vae,
23oyemboɨvate, jare oyembosɨrɨ tëta guasu güi, jare ojo oñeñono ɨvɨtɨ re, tëta guasu güi kuaraɨ oëa kotɨ oï vae re.Ez 10.1-22; 43.2-5.
24Javoi Tumpa imbaepuere chereupi jare chereraja ye Babilonia pe, jókuae oechauka cheve vae rupi, jókuae tembipɨɨ reta ñogüɨnoia pe. Jare joko pe okañɨ chegüi opaete oyekuaa cheve vae.
25Jare chemiari opaete tembipɨɨ reta pe, opaete jókuae yandeYa oechauka cheve vae re.
Who We AreWhat We EelieveWhat We Do
2025 by iamachristian.org,Inc All rights reserved.
