FILIPENSES 2 - Guarani Bible with DC

Cristo iñemomichi jare iyembotuicha

1Jáeramo, Cristo pemoäta ngatu jare pembopɨakatu yave, jare metei rami peï Espíritu Santo rupi yave, peyoaɨu jare peyoparareko yave,

2peiko oyoupi metei rami, peyoaɨu, jare peiko metei ramiño. Körai peyapo yave, ayerovia yaeta ko.

3Agüɨye mbae peyapo peyovaicho vaerä oyoe. Agüɨye mbae peyapo peyembotuicha reve; ërei opaete mbaembae peyapo peñemomichi reve, metei ñavo tomae ïru vae re tuichagüe re rami;

4agüɨye tomae iyé aeño, toyemoambeko vi ïru vae reta re.

5Peyemongeta oyokotɨ, Cristo Jesús oyemongeta rami.

6Echa yepe tëi jae ko Tumpa etei.

Ërei jae mbaetɨ oyeko jókuae re,

7ërei jae oeya jare oyeapo kuimbaerä,

oyeapo tembiokuairä.

8Jare kuimbaerä oyeapo ma yave,

oñemomichi yeti,

oyapo Tumpa jei vae

Kuae rupi yandeRu Tumpa oyemboete vaerä.

Oporogüɨrovia vae reta tembipe rami ko

12Jáeramo, cherɨvɨ poaɨu vae reta. Peyapo avei che jae peve peyapo vaerä vae rami, peyapo yepe tëi añave mbaetɨ aï pe ndive. Peñemoäta ngatu yae yemboasa penoi vae rupi peipoɨu pemboete reve;

13echa Tumpa etei omee peve kɨ̈reɨ jare peyapo vaerä, jae jemimbota rupi.

14Opaete peyapo vae peyapo peñeengurumbae reve jare peñorarombae reve.

15Agüɨye vaerä kia ave pemboeko mbae re. Peiko Tumpa taɨ ikɨambae vae, kuae oporogüɨroviambae vae reta jeko ikavimbae yae vae reta ipɨte pe.Dt 32.5. Kuae reta ipɨte pe peiko tembipe rami kuae ɨvɨ pe,

16peiko reve ñee tekove opambae vae re, ayerovia vaerä Cristo ou ye yave, kërai che mbaetɨ aguataiño ani aparavɨkɨiño.

17Yepe tëi güɨramoi cherugüɨ oyepɨyereta vi, mbota vino oyepɨyere mbaemɨmba oyeyukagüe iárambo rami, ërei jeseve ayerovia ko opaete pe reta ndive.

18Pe reta pevɨakatu jare peyerovia vi che ndive.

Timoteo jare Epafrodito

19YandeYa Jesús oipota yave, amondota ɨmambaeño TimoteoHch 16.1-3. pépɨri, che vi chepɨakatu vaerä aikuaa yave peregua.

20Echa mbaetɨ yé ko kia oyemongeta jare oyemoambeko peré che ndive vae.

21Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.

22Ërei peikuaa ko kërai Timoteo jeko, kërai jae oyeokuai Tumpa pe che ndive cheraɨ ete ramiecha, ñee ikavi vae romombeu vaerä.

23Jáeramo, jae aipota amondo kuri, aikuaa yave mbae ra oyeapota cheve;

24ërei ayeko yandeYa re, che vi ajata pépɨri kuri.

25Ërei jaekavi cheve amondo vaerä cherɨvɨ Epafrodito. Jae ko oparavɨkɨ Tumpa pe che ndive vae, pe pembou oyangareko vaerä cheré vae.

26Jae oipota yae pereecha, jare ipɨatɨtɨ yae, echa jërakua peve kërai jae imbaerasɨ vae.

27Añete ko, imbaerasɨ yae. Omano seri; ërei Tumpa mbaetɨ jaeño oiparareko, che vi cheparareko. Agüɨye vaerä chepɨatɨtɨ yeyé chepɨatɨtɨ ma vae güi.

28Jáeramo amondo pekotɨ chekɨ̈reɨ ngatu reve, peyerovia vaerä, peecha ye yave, jare agüɨye vaerä chepɨatɨtɨ yae aï.

29Pemboresive kavi yandeYa re peyerovia reve. Jekuaeño peaɨu jae rami vae reta,

30echa Cristo iparavɨkɨ jeko pegua omano seri. Oñemoëgua mano pe oyangareko vaerä cheré perekovia pe, echa pe reta matɨ peï.