DEUTERONOMIO 31 - Guarani Bible with DC

Josué opɨta Moisés jekovia pe(Nm 27.12-23)

1Moisés ojo jare imiari opaete kuae ñee reta Israel iñemuña reta pe, jei:

2“Añave anoi ma ciento veinte año, mbaetɨ ma chepuere; jare yandeYa jei yoapɨ cheve: ‘Ngaraa reasa kuae Jordán.’

“Eñemomɨ̈rata jare eñemoäta ngatu,Jos 1.6. echa nde reroiketa Israel iñemuña reta jókuae ɨvɨ añererökuavee cheree re amee vaerä chupe reta vae pe, che aïta nde ndive.”

Mborookuai oyekuatiagüe oñeñovatu vaerä käjou iyɨpɨ pe

24Moisés opa oikuatía kuae mborookuai reta metei tupapire pe yave,

25oyókuai levita reta, yandeYa ikäjou morogüɨrökuavee päve pegua ivoɨa reta, jei chupe reta körai:

26“Peipɨɨ kuae tembikuatía mborookuai reta oyekuatía oï pɨpe vae, jare peñono yandeYa Tumpa ikäjou morogüɨrökuavee päve pegua iyɨpɨ pe, jare toï joko pe ïru vae reta pe oikuaauka vaerä peregua.

27Echa che aikuaa pepɨapochɨ jare pepɨa täta vae; añave rupi oimeño vɨteri aiko pepɨte pe yave viña pa pepɨapochɨ yandeYa kotɨ, ¡vɨtei ndipo amano ma yave!

28Pemboatɨ cheve opaete ñemuña itenondegua ñavo, jare mburuvicha reta, chemiarita chupe reta kuae ñee, ara jare ɨvɨ jovake tae chupe reta.

29Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

Moisés itairari

30Jayave Moisés ojäa kuae tairari Israel iñemuña reta jóvai opa omboapɨ regua.