COLOSENSES 2 - Guarani Bible with DC

1Echa aipota peikuaa vaerä kërai täta añoraro peré yerure rupi, jare LaodiceaAp 3.14-22. pegua reta re, jare opaete mbaetɨ vɨteri chereecha vae reta re;

2pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

3Echa Cristo re oñeväe opaetei arakuaa reta.

4Kuae che jae peve, agüɨye vaerä kia ave pembotavɨ ñee-yukɨ rupi.

5Echa yepe tëi che mbaetɨ aï pépɨri, ërei chepɨa pe aï pe ndive, ayerovia jare aikuaa kërai peiko kavi oyoupi, jare peñemomɨ̈rata peporogüɨrovia pe Cristo re.

6Jáeramo, pemboresive ma yandeYa Jesucristo mborogüɨrovia rupi vae, jekuaeño vi peiko perovia reve jese;

7tätagüe peñemomɨ̈rata Cristo re peporogüɨrovia rupi, echa jökorai ko peyemboe. Jekuaeño pemee reve yasoropai Tumpa pe.

Tekove ipɨau vae Cristo re

8Peyeandu, agüɨye vaerä kia pembotavɨ arakuaa reta mbaeä etei vae rupi, kuimbae reta jeko reta, jare ɨvɨGl 4.3,9. pegua yemboe reta, mbaetɨ oyeko reta Cristo re.

9Echa Cristo re ko oï opaete Tumpa imbaepuere,

10jare pe reta penoi opaete mbaembae Cristo re, echa jae ko opaete mburuvicha reta ara pegua jare ɨvɨ pegua iñäka.

11Jese peyembocircuncida ma, mbaetɨ ko circuncisión yanderete pegua, echa Cristo oekɨ omombo ma pegüi peyoa, jae ko kuae circuncisión Cristo güi ou vae.

12Peyembobautisauka yave, peñeotɨ ko Cristo ndive, jare peikoveRo 6.4. ye vi jae ndive, peporogüɨrovia ramo Tumpa imbaepuere omoingove ye Cristo omanogüe vae reta ipɨte güi vae re.

13Tenonde yave pe reta pemano peiko peyoa reta pe, jare mbaetɨ peyembocircuncida vae pe. Ërei Tumpa pemoingove CristoEf 2.1-5. ndive jare iñɨ̈ro peve opaete peyoa reta re.

14Tumpa omboai ma mborookuai oyekuatía oï yandekotɨ vae, oyovaicho yepi yanderé vae, ërei Tumpa oekɨ güɨraja oikutu kurusu re,Ef 2.15.

15jare omoamɨri mburuvicha reta ara pegua jare ɨvɨ pegua, jare opaete mbaepuere güɨnoi vae, jare omomichi reta opaete vae jovake kurusu re.

16Jáeramo, agüɨye kia tapemboeko mbae peu vae re, jare arete reta re, yasɨ pɨau iarete re, ani ara mbutuuRo 14.1-6. reta re.

17Opaete kuae reta ko outa vae re oyembojaanga vaeño, echa Cristo ko jae añetete vae.

18Agüɨye kia ave tapeopia Tumpa omeeta peve vae güi, echa amogüe vae oñemomichi raanga, jare omboete araɨgua reta, oechambae reve oecha rami oyeapo reta, oyembotuicha iyemongeta ae re.

19Kuae reta mbaetɨ oyeko Cristo re, echa Cristo ko jae oporogüɨrovia vae reta iñäka. Jae ko ombokuakuaa opaete jete, omongaru jare omboyoapɨ jayɨ re jare iyoapɨa pɨa re, TumpaEf 1.22; 4.15-16. jemimbota rupi.

20Pe reta pemano ko CristoRo 6.6-11; Gl 2.19-20. ndive mboromboe ɨvɨ pegua reta güi. Jáeramo ¿maera pa jekuaeño peiko jare peyapo ɨvɨ pegua mborookuai reta?

21Echa jei: “Agüɨye peipɨɨ. Agüɨye peu. Agüɨye peyavɨkɨ.”

22Ërei opaete jókuae mbaembae oyemboaita ko oyeporu ramboeve, echa opaete kuae mborookuai reta jare mboromboe reta kuimbae reta oyapogüeño ko.

23Añete ko, kuae nunga mborookuai reta arakuaa peguaecha. Echa omboete raanga Tumpa, jare oñemomichiraanga, jare täta oiporarauka jete pe. Ërei kuaekuae rupi ipuereä etei oyopia reta soo jemimbota reta.