JEREMÍAS 1 - Guarani Bible with DC

Tumpa oenɨi jare oyókuai Jeremías

1Jeremías, Hilcías taɨ iñee reta, jae ko metei sacerdote reta güi yogüɨrekose Anatot pe,

6Jare che jae:

“¡Atataɨ, cheYa Tumpa!

Mase, ¡che mbaetɨ aikatu chemiari,

echa chetaɨrusu yae vɨteri ko!”

7Ërei yandeYa jei cheve:

“Agüɨye ere chetaɨrusu yae ko.

Che royokuaía rupi ko reota,

jare opaete royókuai vae rereta.

8Agüɨye ekɨɨye kia reta güi,

echa che aïta nde ndive roepɨ vaerä,

che ndeYa ko, jae kuae ndeve.”

9Jayave yandeYa ombou ipo jare opoko cheyuru re, jei cheve:

“Mase, ko añono cheñee reta ndeyuru pe.

10Kuae ara roñono tëtaguasu reta re

jare mburuvicha guasu reta iporookuaía re,

reapomondoro vaerä jare remboai vaerä,

rerokomegua vaerä jare reitɨ vaerä,

jare vi remopüa ye vaerä

jare rembopɨau ye vaerä.”

11YandeYa jei vi cheve körai:

“Jeremías, ¿mbae pa reecha?”

Jare che jae chupe:

“Aecha ɨvɨra almendra jäka.”

12Jare yandeYa jei cheve: “Jaekavi rere.

Echa jökorai aïndaivi ambopo vaerä cheñee.”

13YandeYa jei cheve mokoía ma, körai:

“¿Mbae pa reecha?”

Che jae chupe:

“Aecha metei yapepo opupu oï vae,

oyepɨyere ma oï ɨvɨtuguasu kotɨ güi.”

14Jayave yandeYa jei cheve:

“Ɨvɨtuguasu kotɨ güi oyepɨyereta kañɨtei,

opaete kuae ɨvɨ pegua reta re.

15Mase,

che amboatɨta opaete ɨvɨtuguasu kotɨgua reta.

Yogüeruta juvicha guasu reta,

jare oyembojeyupa retata metei ñavo,

Jerusalén jöke ñavo pe,

jare opaete ikësea ikupe rupi,

jare opaete tëta guasu reta Judá pegua rupi.

16Jae kuae tembiporara aruta

jókuae iyoa reta jare chereeya reta vae kotɨ vae,

echa oapɨ reta ikäti kavi vae incienso

tumpa ambuae reta pe,

omboete reta, jae reta aeño oyapo vae.

17Jare nde, eyeumbɨkua täta,

ekua jare ere chupe reta opaete che royókuai vae.

Agüɨye ekɨɨye chugüi reta,

echa rekɨɨye ko yave,

che ameeta nde rekɨɨye vaerä chugüi reta.

18Che roñono añave,

tëta guasu oñekëse kavi yae vae rami,

okɨta jiero pegua rami,

okɨta jiero iyu vae pegua rami,

opaete kuae ɨvɨ Judá pegua reta kotɨ:

Juvicha guasu reta kotɨ,

itenondegua reta kotɨ, isacerdote reta kotɨ,

jare opaete vae reta kotɨ.

19Jae reta oekata maratu ndeapo vaerä,

ërei ngaraa nemoamɨri,

echa che aïta nde ndive, roepɨ vaerä.

Che ndeYa ko, jae kuae ndeve.”