1Judit jei chupe reta:
—Peyeapɨsaka cheré, cherëtara reta. Ko oï kuae äkagüe peraja pembosagüɨu peñono tëta ikësea ɨvate vae re.
2Jare köe rupive kuaraɨ oë yave, metei ñavo toipɨɨ jembiporu ñoraro pegua jare opaete kuimbae reta ipuereta oñoraro vae toë ikatu kotɨ tëta güi. Jare peñono metei peruvicha ra jare peyapo pegüeyɨta ñuu kotɨ peñoraro vaerä Asiriaɨgua reta ndive vae rami, ërei agüɨye pegüeyɨ.
3Jaemai ko Asiriaɨgua reta oupita jembiporu jare yogüɨrajata teyupa kotɨ, omomba vaerä juvicha reta. Jare opaete vae osɨita Holofernes okea kotɨ, jare mbaetɨta oväe reta chupe, jaema opata okɨɨye reta jare otekuarai retata pegüi.
4Javoi peaɨkuemoña reta opaete Israel ɨvɨtɨ rupi yogüɨreko vae reta reve, jare pepoko peyuka reta oipota rupi oasaa rupi.
5Ërei ndei jókuae oiko mbove peenɨi cheve Aquior, jae ko amonita oecha vaerä, jare oikuaa vaerä jae ko iñeeasɨ yepi Israel-ɨgua reta kotɨ vae jare jae etei vi ko ombou reta tëi kuae pe omano vaerä.
6Jaema jayave omondo reta güeru Aquior Ozías jëta güi, jare ou oväe rupive oecha Holofernes iñäkagüe metei kuimbae güɨnoi ipo pe jeta yatɨ vae reta ipɨte pe, jare ipɨa mano oa ɨvɨ re.
7Omopüa reta yee yave, ojo oyeatɨka Judit jenonde omee mbaemboete chupe jare jei:
—¡Eyekou nde opaete Judá jeyupa reta rupi jare opaete tëta guasu reta rupi! Opaete nderé oendu vae reta orɨrɨita ko okɨɨye güi.
8¡Ërei añave, nemiari cheve, mbae pa ko reyapo kuae ara reta rupi!
Judit, opaete vae ipɨte pe, omombeu opaete mbae oyapo vae, oë güire ojo jare ou ye regua.
9Opa ma imiari yave, opaete tëta pegua reta osapúkai jare oechauka reta yerovia tuicha vae.
10Jare Aquior oecha yave opaete Israel-ɨgua reta iTumpa oyapogüe, güɨrovia Tumpa re opaete ipɨa reve, oñemokañɨmaauka vi Tumpa pe jare oñemoïru oiko vaerä Israel-ɨgua reta ndive.
Asiriaɨgua reta oikuaa mbae oasa vae11Köe yave, ombosagüɨu reta tëta ikësea re Holofernes iñäkagüe, jare opaete kuimbae reta oñono ipo pe jembiporu ñoraro pegua, jare oë reta ñapɨta reve ɨvɨtɨ oyeasa oï vae kotɨ.
12Jare Asiriaɨgua reta oecha rupive, omondo reta omombeu itenondegua reta pe, jare jókuae reta omombeu yoapɨ yee opaete juvicha reta pe.
13Jaema jókuae reta opaete reve yogüɨraja Holofernes jeyupa oïa kotɨ, jare jei reta jembiokuai pe:
—¡Emomba yandetenondegua, echa tembipɨɨ hebreo reta joko ogüeyɨ yogüeru oipota aipo opoko reta yanderé, ikɨ̈reɨ ndipo opa mo ñamokañɨtei reta!
14Jaema Bagoas oike ojo jare iñemoía ikupe güiño oenɨi, jae oyemongeta Holofernes oime ko oke oï Judit ndive vae.
15Ërei mbaetɨ kia iñee ombou chupe jeko pegua, jae oipea iñemoía, jare oike ojo okea pe rupive, oecha Holofernes omano oï, oyepɨso oï ɨvɨ rupi, iñäkambae.
16Jare ɨvate jäse, jaemai opoko oyaeo täta, jasɨkatu chupe jare omondoro jemimonde.
17Jupivei ojo vi Judit okea pe, jare mbaetɨ vi jókuae oväe chupe yave oë ye ojo ïru vae reta jäse ñogüɨnoia pe:
18—¡Jókuae tembipɨɨ reta ou yandembotavɨ! ¡Metei kuña vae güeru yande kuae ñemomarai Nabucodonosor iporokuaía pe! ¡Joko Holofernes oyepɨso oï ɨvɨ rupi iñäkambae!
19Jare jókuae oendu, sundaro Asiriaɨgua reta juvicha guasu reta yave, opaiño oiämondo reta, jare omondoro reta jemimonde jaema opoko ɨvate jäse yogüɨreko teyupa rupi.
Who We AreWhat We EelieveWhat We Do
2025 by iamachristian.org,Inc All rights reserved.
