1Toyerovia iyoa vae,
jókuae mborookuai jeigüe oyapombae re iñɨ̈ro chupe vae,
iyoa re Tumpa iñɨ̈ro chupe vae.
2Toyerovia kuimbae, yandeYa mbaetɨ omboeko mbaeyoa re vae,
jare mbaetɨ oyekuaa jese tavɨ vae.
3Chekïrii ramboeve, chekägüe reta indechi,
chepüae opaete ara vae rupi.
4Echa ara pe jare pɨ̈tu yave ndepo jeiete ipoɨ cheve;
chepɨa oyerovia katuse vae,
temitɨ opa ipiru kuaraɨ guasu pe rami.
5Cheyoa amombeu ndeve, mbaetɨ añomi ndegüi mbaeyoa ayapogüe.
Jae: “Tamombeu cheYa pe mbaetɨ iporookuai ayapo vae.”
Jare nde neɨ̈ro cheyoa ikavimbae re.
6Jáeramo oyerureta ndeve opaete oñeñono tee ndeveguarä vae reta, reñeväe ramboeve;
añetete, ɨporu oime yave, ngaraa ojo oväe chupe reta.
7Nde ko jae cheñepɨ̈roa; cheövatuta mbɨatɨtɨ güi;
cheövata tairari yereroasayepe pegua pe.
8YandeYa jei:
“Romboeta jare aikuaaukata ndeve kërai reiko vaerä;
ayangareko aveita nderé.
9Agüɨye eiko ndearakuaambae kavayu rami ani mburikaguasu rami,
echa kuae reta, kayurupegua jare itïguaa jeia reño yogüɨreko;
echa kuaembae reve, ngaraa oya nderé.”
10Jasɨ katu yaeta ko oiko jupimbae;
ërei ngatu yandeYa re oyeko vae, mboroparareko oñova.
11Peyerovia yandeYa re,
pepɨakatu jupi vae reta;
petairari yerovia katu ndive,
opaete ipɨa isɨmbi vae reta.
Who We AreWhat We EelieveWhat We Do
2025 by iamachristian.org,Inc All rights reserved.
