ISAÍAS 6 - Guarani Bible with DC

Isaías oecha vae jare iñeenɨi regua

1Jókuae año mburuvicha guasu Uzías omano reta; metei ñavo vae güɨnoi ova ipepo; mókoi ipepo pe jova oñomi reta, ïru mókoi pe oñomi ipɨ reta, jare ïru mókoi re oveve reta.

3Jare osapúkai päve jei oyoupe reta:

“Iyoambae, Iyoambae, Iyoambae ko yandeYa Imbaepuere yae ete vae;

opaete ɨvɨ tɨnɨe oï iyemboetea pe.”

4Jare jókuae osapúkai vae reta omokana tupao jöke reta oyekutu jese vae isapúkai pe, jare tupao tɨnɨe tätati pe.

11Jare che jae chupe:

“¿Kërai yave regua pa cheYa?”

Jare jae jei cheve:

“Tëta guasu reta opa oyemboai regua,

ipombae opɨta regua;

o reta ipombae opɨta regua,

jare ɨvɨ ipombae opɨta regua,

12che ndeYa opa regua omombo mombɨrɨ kuimbae reta,

jare kuae ɨvɨ opaetei ipombae opɨta regua.

13Jare opɨta yave mbovɨ yepe kuae tëta pe,

jókuae jaenunga vi oyemboaita;

ërei ngatu ɨvɨra roble jare encina

jee vae reta oyeasɨa yave,

jekuaeño opɨta iyɨpɨgüe,

jökoraita ko opɨta ñemuña reta

oñeñono tee vae jembɨregüe.”