1Jáeramo mbaetɨ ma rogüɨropɨa ramo, royemongeta ropɨta vaerä oreño Atenas pe,Hch 17.15.
2jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;
3agüɨye vaerä metei ave ipɨatɨtɨ kuae tembiporara jeko pegua. Echa pe reta etei peikuaa ko jaerä etei ko ñaï.
4Ore roiko pe ndive yave, romombeu voi ko peve roiporarata vae, jare jökorai oasa, pe peikuaa rami.
5Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.
6Ërei Timoteo ou yave jokotɨ güi,Hch 18.5. omombeu oreve peporogüɨrovia jare peporoaɨu re. Jei vi oreve kërai pemaendúa avei oreré oreraɨu reve vae, jare pekɨ̈reɨ yae orereecha, ore rami.
7Jáeramo, cherɨvɨ reta, roiporara jare orepɨatɨtɨ pɨte pe, orepɨakatu peporogüɨrovia re.
8Roikuaa pepɨ̈rata peporogüɨrovia pe yandeYa re ramo, oremoäta ngatu yae.
9Jáeramo romee yasoropai tuicha Tumpa pe peré. Echa royerovia yae peré yandeRu Tumpa jovake.
10Jare täta royerure ara rupi jare pɨ̈tu rupi, orepuere vaerä rojo poecha jare romombeu peve oataño peporogüɨrovia pe vae.
11YandeRu Tumpa etei jare yandeYa Jesús toipea tape cheve aja vaerä pépɨri.
12Jare yandeYa tapembokuakuaa jare tomee mboroaɨu peve, peyoaɨu päve vaerä jare vi opaete vae, ore poaɨu rami.
13YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.
Who We AreWhat We EelieveWhat We Do
2025 by iamachristian.org,Inc All rights reserved.
