OSEAS 2 - Guarani Bible with DC

1YandeYa jei:

Jayave pereta perɨkeɨ ani perɨvɨ pe: “Ammi”,

jare pereindɨ pe: “Ruhama”.Tëta Israel jupimbae oiko vae re

2YandeYa jei:

“¡Pemboeta pesɨ pe, echa mbaetɨ ma ko roiko kavi jae ndive!

¡Agüɨye mo tiyaguasa pota toiko!

¡Tombosɨrɨ mo iyeugüi iyaguasa reta!

3Mbaetɨ yave oyapo, apɨ̈rota chugüi imbaembae jare amonandita;

añonota jókuae ara ichɨ güi oa ramo yave rami,

aipoepɨta ñuu ipombae pe,

ɨvɨ otini vae pe,

ayukaukata ɨuve pe.

4Ngaraa aiparareko imembɨ reta,

echa aguasa pegua michia reta ko.

5Iyaguasa pota oyeapo ichɨ;

mbaetɨ oyemboeteuka jei yave:

‘Taja taeka cheaguasa reta; tembíu jare ɨ,

vecharaagüe jare lino,

olivo iasaite jare kägüi

12Amboaita iuvarupa jare iɨvarupa,

echa kuae re jei:

‘Cheparavɨkɨ jepɨ ko, cheaguasa reta omee cheve vae ko.’

Aipoepɨta ñana tëɨ vae pe, jare mɨmba ñana rupigua jouta.

13Aiporaraukata chupe ara reta oasagüe re

oapɨ ikäti kavi vae incienso baal reta pe vae re,

oñemopöra yave moäka-vera pe jare mboɨ pe,

ojo iyaguasa reta jupíe jare ñakañɨ chegüi.

Jei yandeYa.

Tumpa oaɨu imbae vae reta Israel pegua

14Ërei che amokɨ̈reɨta;

arajata ñuu pe,

jare añataita ipɨa.

15Jare joko pe amee yeta chupe iuvarupa,

jare aipoepɨta ɨvɨtɨ päu Acor,

oasa vaerä mbɨatɨtɨ güi yerovia pe.

Joko pe otairarita cheve taɨrusu yave rami,

ɨvɨ Egipto güi anoe yave rami.

16YandeYa jei: Jókuae ara rupi, chereenɨita ‘Ishi’,

ngaraa ye ma pere cheve ‘Baali’.

17Echa aekɨta peyuru güi baal reta jee,

jare ngaraa ye ma oyeendu jókuae tee reta.

18Jókuae ara ayapota peve morogüɨrökuavee päve

mɨmba reta ñana rupigua ndive

güɨra reta ndive, mboi reta ndive;

aekɨta kuae ɨvɨ güi güɨrapa, kɨsepuku jare ñeraro,

jare peiko pɨagüiveta.

19Jare pogüɨrekota cheyeupe jekuae avei pegua;

pogüɨrekota cheyeupe, jupi rupi, morojäa añete vae rupi,

mbɨakavi rupi jare mboroparareko rupi.

20Pogüɨrekota cheyeupe jupi rupi,

jare chekuaata che ko jae peYa vae.

21Che peYa jae körai:

Jókuae ara rupi, che ayeapɨsakata ara re,

jare ara oyeapɨsakata ɨvɨ re;

22jare ɨvɨ omeeta trigo, vino jare olivo iasaite,

jare jae reta oyeapɨsakata Jezreel re.

23Añonota cheyeupe chembae reta jókuae ɨvɨ pe chembaeräño;

anoita mboroparareko Lo-ruhama re;

jaeta Lo-ammi pe: ‘Nde ko jae tëta chembae’,

jare jae jeita: ‘¡CheTumpa ko nde!’ ”