2 CRÓNICAS 33 - Guarani Bible with DC

Manasés oiko mburuvicha guasurä Judá pe(2 R 21.1-18)

1Manasés güɨnoi doce año omboɨpɨ oï mburuvicha guasurä yave jare oiko mburuvicha guasurä Jerusalén pe cincuenta y cinco año.

2Ërei oyapo ikavimbae yandeYa jesa róvai,

9Ërei Manasés jeiete oyapouka ikavimbae Judá pegua reta pe jare Jerusalén pegua reta pe, oasa ete Israel iñemuña reta jenonde güi yandeYa opa omoë omombo tëtaguasu reta vae güi, ikavimbae oyapo reta vae.

10YandeYa ombou ñee Manasés pe jare imbae vae pe; ërei jae reta mbaetɨ oyeapɨsaka jese.

11Jáeramo yandeYa güeru chupe reta mburuvicha guasu Asiria pegua sundaro ruvicha reta, jae reta oipɨɨ Manasés, oipokua reta jare omoïcha reta karena jiero iyu vae pe güɨraja Babilonia pe.

12Ërei oecha oiko ma mbɨatɨtɨ rupi yave oyerure iYa Tumpa pe, oñemomichi yae reve iñemuñagüe reta iTumpa jóvai.

13Jare oyerure yave, Tumpa oendu chupe iyerure, jare omee chupe ou ye vaerä Jerusalén pe oiko ye mburuvicha guasurä. Jayave Manasés oikuaa yandeYa jae ko Tumpa vae.

14Kuae jaɨkue rupi Manasés omopüa pɨau ye David Jëta guasu ikësea ikatu kotɨgua, Gihón güi kuaraɨ oikea kotɨ, ɨvɨtɨ päu rupi öke Pira Röke jee vae pe yaiketaa rupi, jökorai oyere ojo oväe Ofel pe, ɨvate yae oyapo. Oñono vi sundaro ruvicha reta opaete Judá pegua tëta guasu reta jëguambaea rupi.

15Güɨnoe vi yandeYa jo güi tumpa ambuae reta jare tumpa-raanga jare opaete mɨmba oyeyuka oyeapɨ jese vae omopüa ɨvɨtɨ yandeYa jo oï jese vae re vae jare Jerusalén pe vae, opa güɨnoe omombo tëta guasu güi ikatu pe.

16Javoi oñono kavi ye mɨmba oyeyuka oyeapɨ jese vae, yandeYa imbae, jare oyuka mɨmba omee jese mbota yembopɨakatu peguarä jare mbaemboete pegua; jare oyókuai Judá pegua reta omboete vaerä yandeYa, Israel iTumpa.

17Ërei ngatu jókuae ɨvɨ pegua reta jekuaeñoi mɨmba oyuka reta omee mɨmba oyeyuka oyeapɨ jese vae ɨvɨtɨ rupigua reta re, yepe tëi omee reta iYa Tumpa peguarä.

18Ïru mbaembae Manasés regua jare oyerure Tumpa pe vae, jare mbae re oecha voi vae reta imiari chupe Israel iYa Tumpa jee re vae opaete oyekuatía oï tembikuatía Israel pegua mburuvicha guasu reta regua oyekuatía oïa pe.

19Iyerure kërai oyemboyevɨ chupe vae, opaete iyoa regua, imbaeyavɨ regua jare mbaemboete renda ɨvɨtɨ rupigua reta omopüa vae, jare Asera iä reta oyapo vae jare tumpa-raanga reta, ndei oñemomichi Tumpa jóvai mbove vae regua, oime oyekuatía oï mbae re oecha voi vae reta jembikuatía pe.

20Manasés omano yave, oñotɨ reta jo iyɨpɨ pe. Jare taɨ Amón oguapɨ jekovia pe mburuvicha guasurä.

Amón oiko mburuvicha guasurä Judá pe(2 R 21.19-26)

21Amón güɨnoi veintidó año, omboɨpɨ oï mburuvicha guasurä yave, jare oiko mburuvicha guasurä Jerusalén pe mókoi año.

22Ërei oyapo ikavimbae yandeYa jesa róvai, tu Manasés oyapo rami; echa omee mɨmba oyeyukagüe jare omboete opaete tumpa-raanga reta tu Manasés oyapogüe.

23Ërei mbaetɨi oñemomichi yandeYa jóvai, tu Manasés oñemomichi rami, echa jae jeieteño omoïru mbaeyoa.

24Jare iyɨvɨrigua reta oñemopüa ikotɨ, jare oyuka reta jo pe.

25Ërei jókuae ɨvɨ pegua reta oyuka opaete jókuae mburuvicha guasu Amón kotɨ oñemopüa vae reta, jare taɨ Josías oñono reta jekovia pe mburuvicha guasurä.